OnePlus ကုမ္ပဏီရဲ့ အသစ်မိတ်ဆက်မယ့် OnePlus 5 စမတ်ဖုန်းကို ဇွန်လ ၂၀ ရက်နေ့ မှာ မိတ်ဆက်ပေးတော့မှာ ဖြစ်ပါတယ်။ ကျွန်တော်တို့အနေနဲ့ OnePlus 5 စမတ်ဖုန်းမှာ RGB+Monochrome Sensor အသုံးပြု Dual Camera , DxO နဲ့ပူးပေါင်းထုတ်လုပ်ထားတဲ့ Color အရည်အသွေးကောင်းမွန်မယ့် Camera အကြောင်း နဲ့ Snapdragon 835 SoC အသုံးပြုထားမယ် ဆိုတဲ့အကြောင်းတွေကို အသီးသီးဖော်ပြခဲ့ပြီးပြီဖြစ်ပါတယ်။ 

                အခု OnePlus ကနေ OnePlus 5 စမတ်ဖုန်းကို စတင် မိတ်မဆက်ခင် ငါးရက်အလိုမှာ Specifications အချို့တော့ ထွက်ပေါ်လာခဲ့ပါပြီ။ ကျွန်တော်တို့ OnePlus 5 ရဲ့ ကျောဘက်မှာဆိုရင် LED Flash ပါ၀င်လာမှာဖြစ်ပြီး OnePlus Logo ကတော့ အလယ်မှာ အသားတံဆိပ်ပါ၀င်လာမှာပါ။ Android Nougat (7.1.1) ကိုလည်း အသုံးပြုထားမယ်လို့ သိရှိရပါတယ်။

                ဖုန်းရဲ့မျက်နှာပြင် အကျယ်အ၀န်း 5.5 လက်မရှိပြီး Resolution အနေနဲ့ 1920 x 1080 Pixels အထိထောက်ပံ့ပေးနိုင်မှာပါ။ Snapdragon 835 Processor အသုံးပြုထားပြီး RAM အနေနဲ့ကတော့ 6GB နဲ့ 8GB, Internal Storage အနေနဲ့ 64GB နဲ့ 128GB ဆိုပြီး နှစ်မျိုးနှစ်စားထွက်ရှိလာနိုင်ပါတယ်။ Dual-band Universal Flash Storage (UFS) 2.1 ကိုအသုံးပြုထားတဲ့အတွက် အမြင့်ဆုံး 1.2GB/s အထိ Data Transfer ပြုလုပ်နိုင်မှာပါ။ 

                Battery အနေနဲ့ 3300 mAh အသုံးပြုထားပြီး Dash Technology ကိုအသုံးပြုထားတဲ့အတွက် အားသွင်းတဲ့အခါ 0% ကနေ 92%  ထိကို အချိန်တစ်နာရီသာ ကြာမြင့်မှာဖြစ်ပါတယ်။ Dual Camera အနေနဲ့ 20 Megapixels Camera (f/2.6 Aperture) နဲ့ 16 Megapixels Sensor (f/1.7 Aperture) အသီးသီးပါ၀င်လာမှာပါ။ 

                Network အနေနဲ့ အမြင့်ဆုံး Category 12 LTE အသုံးပြုပေးထားပါတယ်။ Samsung Galaxy S8 မှာအသုံးပြုထားတဲ့ Bluetooth 5.0 လည်းပါ၀င်လာမှာပါ။ ဖုန်းရဲ့ဘေးပတ်လည် ဘယ်လောက်ရှိမယ်ဆိုတာတော့ အတိအကျ မသိရှိရသေးပေမဲ့ OnePlus ကုမ္ပဏီကနေ Tweet ထားတဲ့ OnePlus 5 ဖုန်းရဲ့ပုံစံဟာ အတော်လေးပါးလွှာနေတာကို တွေ့မြင်ရမှာပါ (ပုံကိုအောက်မှာ ကြည့်ရှုနိုင်ပါတယ်)။ 

                ဒီလိုနည်းပညာအမြင့်စားတွေ အသုံးပြုထားပေမယ့်လို့ Flagship Killer လို့နာမည်ပေးထားတဲ့အတိုင်း စျေးနှုန်းအနေနဲ့ USD $479 သတ်မှတ်ပေးထားတာကြောင့် Samsung Galaxy S8, Sony Xperia XZ Premium, Google Pixel, HTC U11 နဲ့ LG G6 လောက် စျေးနှုန်းတွေ တဟုန်ထိုးမြင့်မားနေတာမျိုးမရှိပါဘူး။ Flagship Killer ကြီး OnePlus 5 စမတ်ဖုန်းဟာ လတ်တလော စမတ်ဖုန်းစျေးကွက်ထဲမှာ ထွက်ရှိထားပြီး Popular ဖြစ်နေတဲ့ Flagship စမတ်ဖုန်းတွေကို တစ်ချက်တည်းနဲ့ ငြိမ်ကျသွားအောင်လုပ်နိုင်မလား၊ မလုပ်နိုင်ဘူးလား ဆိုတာကိုတော့ ကျွန်တော်တို့ ဇွန်လ ၂၀ ရက်နေ့ နောက်ပိုင်းမှာ အဖြေထွက်လာတော့မှာပါ။