OnePlus 5T ထွက်ပြီး ၁လ အကြာပဲ ရှိသေးတဲ့ အချိန်မှာပဲ OnePlus အနေနဲ့ သူတို့ရဲ့ မျိုးဆက်သစ် Flagship Smartphone တစ်လုံး ဖြစ်လာမယ့် OnePlus 6 ကို ၂၀၁၈ မတ်လ ထဲမှာ တရားဝင် မိတ်ဆက်နိုင်ဖို့အတွက် စတင် ကြိုးစားနေပြီပဲ ဖြစ်ပါတယ်။ OnePlus 6 Smartphone ကို ၂၀၁၈ မတ်လ အလယ် လောက်မှာ တရားဝင် မိတ်ဆက်သွားမှာ ဖြစ်ပြီး မတ်လ အကုန်လောက်မှာ စတင် ရောင်းချ နိုင်ခြေရှိတယ်လို့ သိရပါတယ်။

                ဒါ့အပြင် OnePlus ရဲ့ Flagship ဖုန်းအသစ် ဖြစ်လာမယ့် OnePlus 6 မှာ Under-Display Fingerprint Sensor ကိုအသုံးပြု လာလိမ့်မယ်လို့ ကောလာဟလ တွေလည်း ထွက်နေပါတယ်။ Shenzhen အခြေစိုက် ကုမ္ပဏီ တစ်ခုဖြစ်တဲ့ OnePlus ဟာ ၂၀၁၅ ဇူလိုင်လထဲမှာ ထွက်ရှိခဲ့တဲ့ OnePlus 2 ထဲက Finger Print Sensor အကောင်းဆုံး Smartphone တွေထဲမှာ ထိပ်သီးစာရင်း ဝင်နိုင်ခဲ့သလို အခု OnePlus 5T မှာ စတင်ပါဝင်လာတဲ့ Face Unlock Feature ကလည်း လူကြိုက်များပြီး သုံးရအဆင်ပြေခဲ့တဲ့အတွက် မော်ဒယ်အဟောင်း OnePlus 5 မှာပါတောင် ထည့်သွင်းပေးတော့မှာ ဖြစ်ပါတယ်။

                OnePlus 6 မှာ ယခုလ အစောပိုင်း တုန်းက မိတ်ဆက်သွားခဲ့တဲ့ Qualcomm ရဲ့ Snapdragon 845 Processor ကို အသုံးပြု သွားဖွယ် ရှိတယ်လို့လည်း သိရပါတယ်။ OnePlus ရဲ့အဓိက ပြိုင်ဘက် ဖြစ်တဲ့ Xiaomi ကလည်း သူတို့ရဲ့ မျိုးဆက်သစ် Flagship Smartphone ဖြစ်တဲ့ MI 7 မှာ Snapdragon 845 Processor ကို အသုံးပြု သွားမယ်လို့ ကြေညာထားပါသေးတယ်။ ဒါ့အပြင် MI 7 ကို မတ်လထဲမှာပဲ ရောင်းချသွားမှာ ဖြစ်တဲ့အတွက် OnePlus နဲ့ Xiaomi တို့ရဲ့ မျိုးဆက်သစ် Flagship Smartphone တွေ ဘယ်လိုများ အားပြိုင်သွားမလဲ ဆိုတာကိုတော့ စောင့်ကြည့်ရမှာပဲ ဖြစ်ပါတယ်။

                Processor အပြင် OnePlus 6 ရဲ့ Specification နဲ့ပက်သတ်ပြီး နောက်ထပ် ထွက်ရှိနေတဲ့ ကောလာဟလ ကတော့ Under-Display Fingerprint Sensor ပဲ ဖြစ်ပါတယ်။ OnePlus 5T မှာ Bezel-Less Display ကို အသုံးပြုထားတဲ့အတွက် Fingerprint Sensor ကို ဖုန်းရဲ့ကျော်ဘက်ကို ပို့ ခဲ့ပေမယ့် OnePlus 6 ကျရင်တော့ User တွေ အနေနဲ့ Fingerprint Sensor ကို ပိုပြီး အဆင်ပြေစွာ အသုံးပြုနိုင်ဖို့အတွက် ရည်ရွယ်ပြီး ဖုန်းရဲ့အရှေ့ဘက်မှာပဲ Fingerprint Sensor ကို ထားနိုင်ဖို့အတွက် Under-Display Fingerprint နည်းပညာ ကို အသုံးချလာဖွယ် ရှိပါတယ်။

                နည်းပညာ ကုမ္ပဏီကြီး နှစ်ခု ဖြစ်တဲ့ Qualcomm နဲ့ Synaptics တို့ကလည်း Under-Display Fingerprint နည်းပညာကို Smartphone ထုတ်လုပ်ရောင်းချနေတဲ့ ကုမ္ပဏီတွေ အတွက် စတင် ထုတ်လုပ်နေပြီ ဖြစ်တဲ့အပြင် ၂၀၁၈ ခုနှစ်အတွင်းမှာ သန်း ၇၀ ခန့် အရေအတွက်ရှိတဲ့ In-Display Finger Print Sensors တွေ ဈေးကွက်ထဲကို ရောက်ရှိလာစေရမယ်လို့ Synaptics က အာမခံထား ပါသေးတယ်။ ဆက်လက်ပြီး Under-Display Fingerprint နည်းပညာသုံး Smartphone မော်ဒယ်လ်သစ်တွေကို Consumer Electronics Show (CES) 2018 ပွဲမှာ ဖေါ်ပြသွားဖွယ်ရှိတယ်လို့ ကျွမ်းကျင်သူတွေက ဆိုထားပါတယ်။

                မကြာသေးမီ အချိန်တုန်းကလည်း Synaptics အနေနဲ့ Vivo နဲ့ လက်တွဲပြီး Under-Display Fingerprint Sensor ပါဝင်တဲ့ Smartphone တွေကို ထုတ်လုပ်တော့မယ်လို့ ကြေညာ ထားတဲ့ အတွက် Vivo နဲ့ Parent Company တူတဲ့ OnePlus က ထုတ်လုပ်မှာ ဖြစ်တဲ့ OnePlus 6 ကပဲ ပထမဦးဆုံး Under-Display Fingerprint Sensor ပါ၀င်လာတဲ့ Smartphone ဖြစ်လာမလား? ဒါမှမဟုတ် Vivo က မျိုးဆက်သစ် Smartphone ကပဲ ပထမဦးဆုံး Under-Display Fingerprint Sensor ပါ၀င်လာတဲ့ Smartphone ဖြစ်လာမလား? ဆိုတာကိုတော့ စောင့်ကြည့်ရမှာပဲ ဖြစ်ပါတယ်။

This Article is contributed by Phyo Kyaw Swar.