အသစ်ထွက်ရှိလာတဲ့ Android OS အသစ် Oreo ကို Google ပြီးရင် အစောဆုံး Update ထုတ်ပေးနိုင်ခဲ့တဲ့ Android ဖုန်းကုမ္ပဏီတွေထဲမှာ Sony, Nokia, OnePlus, HTC နဲ့ LG တို့ ရှိပါတယ်။ အခုတော့ ဒီကုမ္ပဏီစာရင်းမှာ ထိုင်ဝမ်အခြေစိုက် Asus လည်း ပါဝင်လာတော့မှာပါ။

                Asus အနေနဲ့ ZenFone 3 နဲ့ ZenFone 4 တို့မှာ Android 8.0 Oreo ကို မကြာမီအချိန်အတွင်း Update လုပ်နိုင်မယ်လို့ပြောခဲ့ပေမယ့်၊ ခုထက်ထိ ဘယ်တော့ Update ပေးမယ်ဆိုတာကို တိကျတဲ့ ရက် ထုတ်ပြန်ကြေညာခြင်းမရှိသေးပါဘူး။ 

                ဒါပေမယ့် Update ထွက်ရှိလာတဲ့အခါကြရင်ရင် Bloatware ပမာဏကို လျှော့ချပေးသွားမယ့်အပြင် ပိုပြီးရိုးရှင်းသေသပ်လှပတဲ့ Zen UI 4.0 ပါ ပါ၀င်လာမယ်လို့ ထိုင်၀မ်အခြေစိုက်ကုမ္ပဏီ(Asus) က အာမခံထားပါတယ်။

                Asus ဘက်က Oreo Update အတွက် ရက်အတိအကျမပြောထားပေမယ့်၊ Asus Zenfone Blog ကနေ Android 8.0 Oreo အသုံးပြုထားတဲ့ Zenfone 3 ရဲ့  ZenUI Screenshots တွေ အခု ပေါ်ထွက်လာပြီဖြစ်ပါတယ်။

                Screenshots ကို ကြည့်ပြီး သုံးသပ်ရမယ်ဆိုရင် Pull-Down Notification Shade နဲ့ Setting Menu မှာပါတဲ့ Icon တွေပြောင်းသွားတာကလွဲပြီး Android Oreo based ZenUI မှာ ကြီးကြီးမားမား ပြောင်းလဲခဲ့ခြင်းမရှိပါဘူး။ Android Oreo ရဲ့  Feature ဖြစ်တဲ့ Picture-In-Picture Mode ပါ၀င်လာမှာဖြစ်ပြီး Background App Management လည်း ပိုမိုကောင်းမွန်လာမှာပဲ ဖြစ်ပါတယ်။ Asus အနေနဲ့ ZenUI အသစ်မှာ Bloatware တွေကို ဘယ်လောက်ထိ လျော့ချသွားမလဲဆိုတာကိုတော့ မသိရသေးပါဘူး။ Zenfone 4 Series မှာလည်း ဒီ Screenshots မှာပါတဲ့ UI အတိုင်း ဖြစ်လာနိုင်ချေ ရှိတယ်လို့ သုံးသပ်ထားကြပါတယ်။

                Asus Zenfone 3 နဲ့ 4အတွက် Android 8.0 Oreo Update ထွက်လာတဲ့အခါမှာ ဘယ်လို ထူးခြားတဲ့ Features တွေပါလာမလဲ၊ ဘာတွေပြောင်းလဲသွားမလဲဆိုတာကတော့ စောင့်ကြည့်ရမှာပါ။