Xiaomi အနေနဲ့ သူတို့ရဲ့ မျိူးဆက်သစ် Flagship Smartphone ဖြစ်တဲ့ Xiaomi Mi 7 ကို ဒီလ ၂၆ ရက်နေ့မှာ စတင်ကျင်းပမယ့် MWC 2018 မှာ Mi 7 ကို မိတ်ဆက်မယ့်အစား Mi Mix 2s ကိုသာ မိတ်ဆက်နိုင်ဖွယ် ရှိတယ်လို့ ကျွမ်းကျင်သူများက ခန့်မှန်းပြောဆိုနေကြပါတယ်။ Xiaomi Mi 7 ကို ဒီလထဲမှာ မမြင်တွေ့နိုင်ပေမယ့်လဲ ဧပရယ်လ ဒါမှမဟုတ် မေလလောက်မှာ မြင်တွေ့နိုင်ဖွယ် ရှိတယ်လို့ သိရပါတယ်။

                ဒီနေ့မှာတော့ Mi 7 ရဲ့ Specifications တချိူ့ ပါဝင်တဲ့ Screenshot ဓာတ်ပုံတစ်ပုံဟာ PlayfulDroid ကနေတစ်ဆင့် ပေါက်ကြားခဲ့ပါတယ်။ Screenshot ထဲမှာ ပါဝင်တဲ့ Hardware Specification တွေအရ Xiaomi Mi 7 ဟာ Qualcomm ရဲ့ Snapdragon 845 SoC နဲ့ ပွဲထွက်လာနိုင်ဖွယ် ရှိပါတယ်။ RAM 8GB/ Internal Storage 128GB မော်ဒယ်နဲ့ RAM 6GB/ Internal Storage 64GB မော်ဒယ်ဆိုပြီး ၂ မျိူး ထုတ်လုပ်ရောင်းချသွားဖွယ် ရှိပါတယ်။

                ကင်မရာ အပိုင်းမှာတော့ ကျောဘက်မှာ 16 Megapixels Camera ၂ လုံးကို တပ်ဆင်ထားနိုင်ဖွယ်ရှိပြီး Dual Camera Setup ကို AI နည်းပညာနဲ့ ပေါင်းစပ်ထားတဲ့အတွက် ကြယ်တာရာတွေကိုပါ ဓာတ်ပုံရိုက်ကူးနိုင်မယ်လို့ ကျွမ်းကျင်ပညာရှင်များက ခန့်မှန်းထားကြပါတယ်။ Display အပိုင်းမှာတော့ ၅.၆၅ လက်မ မျက်နှာပြင်အကျယ်ရှိ Full-HD+ Display ကို အသုံးပြုထားနိုင်ဖွယ်ရှိပြီး Resolution ကတော့ 1080x2160 Pixels ရှိနိုင်ပါတယ်။

                အစောပိုင်း ထွက်ရှိထားတဲ့ ကောလဟလတွေအရ Mi 7 ကို ၆ လက်မ အကျယ် မျက်နှာပြင်အကျယ်ရှိ Display နဲ့လဲ မြင်တွေ့နိုင်ဖွယ် ရှိတဲ့အတွက် Mi 7 နဲ့ Mi 7 Plus ဆိုပြီး ၂ မျိူး ထုတ်လုပ်ရောင်းချသွားဖွယ် ရှိပါတယ်။ Xiaomi ပရိသတ်တော်တော်များများက Mi 6 ပြီးရင် ထုံးစံအတိုင်း Mi 6 Plus ထွက်လာလိမ့်မယ်လို့ မျှော်လင့်ထားခဲ့ကြပေမယ့်၊ Mi 6 မှာ အသုံးပြုခဲ့တဲ့ Snapdragon 835 Processor ဟာ အဲဒီအချိန်တုန်းက စျေးကွက်ထဲမှာ ဝယ်လိုအားမြင့်တက်နေတဲ့အတွက် လိုအပ်တဲ့ ပမာဏကို ရရှိနိုင်ဖွယ် မရှိတာကြောင့် Mi 6 Plus ကို မထုတ်လုပ်ခဲ့ခြင်း ဖြစ်ပါတယ်။ တကယ်လို့ Snapdragon 845 Processor ထုတ်လုပ်မှု ပမာဏသာ များပြားခဲ့မယ် ဆိုရင်တော့ ကျွန်တော်တို့အနေနဲ့ Mi 7 နဲ့ Mi 7 Plus တို့ကို တစ်ချိန်တည်း မြင်တွေ့ရဖွယ် ရှိပါတယ်။ 

                ဘက်ထရီ သိုလှောင်မှု ပမာဏမှာတော့ မှာတော့ 4480mAh အထိ ပါဝင်လာနိုင်ဖွယ်ရှိပြီး Fast Charging Support လဲ ပါဝင်နိုင်ဖွယ် ရှိတယ်လို့ သိရပါတယ်။ ဒါ့အပြင် Xiaomi ဖုန်းတွေထဲမှာ Mi 7 က ပထမဆုံးအနေနဲ့ Wireless Charging ကို Support လုပ်နိုင်မယ့် ဖုန်းတစ်လုံး ဖြစ်လာနိုင်ဖွယ် ရှိပြီး Face Unlock Feature လဲ ပါဝင်နိုင်ဖွယ် ရှိတယ်လို့ သိရပါတယ်။ Sceenshot မှာ တွေ့မြင်ရတဲ့အတိုင်း MIUI 9 Developer ROM Version 8.1.30 နဲ့ ဖြစ်တဲ့အတွက် Xiaomi ရဲ့ Latest Stable Version ဖြစ်တဲ့ MIUI 9 နဲ့ပဲ ပွဲထွက်လာနိုင်ဖွယ် ရှိပါတယ်။

                ပြီးခဲ့တဲ့ ဒီဇင်ဘာလတုန်းက Mi 7 ဟာ Snapdragon 845 SoC ကို အသုံးပြုထားတဲ့ ပထဆုံး ဖုန်းတစ်လုံး ဖြစ်လာနိုင်တယ်လို့ ထင်ကြေးပေးခဲ့ကြပါတယ်။ ဒါ့ပေမယ့် Mi 7 ကို ဧပရယ်လ ဒါမှမဟုတ် မေလလောက်မှာ မြင်တွေ့နိုင်ဖွယ် ရှိတဲ့အတွက် Mi Mix 2s ကသာ Snapdragon 845 SoC အသုံးပြုတဲ့ ပထဆုံး ဖုန်းတစ်လုံး ဖြစ်လာနိုင်ဖွယ် ရှိပါတယ်။ Mi 7 ရဲ့ စျေးနှုန်းကတော့ ကန်ဒေါ်လာ ၄၀၈ ဒေါ်လာ (မြန်မာငွေ ၅၅၀,၀၀၀ ကျပ် ဝန်းကျင်)၊ Mi 7 Plus က ကန်ဒေါ်လာ ၄၅၄ ဒေါ်လာ (မြန်မာငွေ ၆၀၀,၀၀၀ ကျပ် ဝန်းကျင်) ကျသင့်နိုင်မယ်လို့ သိရပါတယ်။

This Article is contributed by Thaw Zin.