Samsung Galaxy S8 နဲ့ S8 Plus ဟာ ယခုနှစ်အတွက် Samsung “S” Series ရဲ့နောက်ဆုံးထွက် Flagship ဖုန်းအမျိုးအစားတွေပဲဖြစ်ပါတယ်။ ဒီဇိုင်းဆန်းပြီး Infinity Display ပါ၀င်တဲ့ Samsung Galaxy S8 /S8 Plus အနေနဲ့ စတင်မိတ်ဆက် ခဲ့တုန်းကတော့ Google ရဲ့ VR Platform တစ်ခုဖြစ်တဲ့ Daydream VR Support ပါ၀င်လာခဲ့ခြင်းမရှိပါဘူး။

                ၀မ်းသာစရာသတင်းကတော့ Samsung Galaxy S8 နဲ့ S8 Plus စမတ်ဖုန်းတွေဟာ Daydream VR အတွက်လိုအပ်တဲ့ Support ကို ရရှိခဲ့ပြီဖြစ်ကြောင်း Google က အတည်ပြုပေးလိုက်ပါပြီ။ ဒါကြောင့်မို့ Samsung Galaxy S8/S8 Plus မှာ Daydream App နဲ့အတူ Daydream View VR Headset ကို အသုံးပြုလာနိုင်တော့မှာဖြစ်ပါတယ်။ ဒါ့အပြင် Samsung Galaxy S8/S8 Plus ဟာ Daydream VR ကော Gear VR နှစ်မျိုးစလုံးကို အသုံးပြုနိုင်တဲ့ ပထမဦးဆုံးစမတ်ဖုန်းတစ်လုံးလည်းဖြစ်ခဲ့ပါပြီ။

                Google ရဲ့ Daydream VR Support ကို လက်ရှိအချိန်မှာ Google Pixel နဲ့ Samsung Galaxy S8/S8 Plus အပါအ၀င် စမတ်ဖုန်း ၆ လုံးပဲ ရရှိပါသေးတယ်။ Google ဟာ Daydream VR Support ကို Samsung Galaxy S8/S8 Plus ကိုပေးဖို့ ကြန့်ကြာနေခဲ့တာဟာ Samsung နဲ့ Oculus တို့ပူးပေါင်းပြီးထုတ်လုပ်ထားတဲ့ Gear VR Platform Support ကြောင့်ဖြစ်ဖို့များပါတယ်။ Samsung ဟာ Daydream VR Support ရရှိဖို့အတွက် Oculus နဲ့ အငြင်းပွားမှုတွေဖြစ်ခဲ့ပုံရပါတယ်။ 

                အခုအချိန်မှာတော့ Samsung Galaxy S8/S8 Plus တို့အတွက် System Update ထဲမှာ Daydream VR Support ပါ၀င်လာတော့မှာဖြစ်ပါတယ်။ နေရာနဲ့ Carriers တွေအပေါ်မူတည်ပြီး System Update ထုတ်လုပ်ပေးတာ အနည်းငယ်ကြန့်ကြာနိုင်ပေမယ့် Bixby Voice လိုမျိုး အချိန်အများကြီးစောင့်ဆိုင်းရမှာတော့ မဟုတ်ပါဘူး။