အိန္ဒိယနိုင်ငံလူဦးရေ ၁.၄ ဘီလီယံခန့်မှာ အင်တာနက်အသုံးပြုနိုင်တဲ့ လူဦးရေက သန်း ၄၀၀ ခန့်သာရှိသေးတာကြောင့် ကျန်ပြည်သူအားလုံးကိုလည်း အင်တာနက်အသုံးပြုနိုင်အောင် ဝန်ကြီးချုပ် Modi အစိုးရက ဆက်လက်ဆောင်ရွက်နေပြီဖြစ်ပါတယ်။

                ဝန်ကြီးချုပ် Modi ဟာ ရွာပေါင်း ၁၅ သိန်းကျော်ကို စျေးနှုန်းချိုသာတဲ့ မြန့်နှုန်းမြင့်အင်တာနက်လိုင်း တပ်ဆင်ပေးရန်စီစဉ်နေကြောင်း ဘဏ္ဏာရေးဝန်ကြီး Arun Jaitle က ပြီးခဲ့တဲ့ တနင်္လာနေ့မှာ Mashble India သတင်းဌာနကိုပြောကြားခဲ့ပါတယ်။

                အဆိုပါပရောဂျက်အတွက်ဒေါ်လာ ၁.၄ ဘီလီယံနဲ့ညီမျှမယ့် ရူပီး ၁၀၀ ဘီလီယံခန့် အသုံးပြုသွားမှာဖြစ်ပြီး လူတစ်ဦးပျှမ်းမျှလစာ ၄ ဒေါ်လာခန့်သာရှိတဲ့ အိန္ဒိယပြည်သူအားလုံးအသုံးပြုနိုင်မယ့် အင်တာနက်နှုန်းထားမျိုး ဖြစ်တယ်လို့ Arun Jaitle က ဆိုပါတယ်။

                လွန်ခဲ့တဲ့ရက်အနည်းငယ်ကလဲ အိန္ဒိယအစိုးရဟာ နိုင်ငံတစ်ဝှမ်းကရွာပေါင်း ၁၀၀ ခန့်ကို အခမဲ့ Wi-Fi အင်တာနက် ချိတ်ဆက်ပေးဖို့အတွက် Digital Village ဆိုတဲ့အစီအစဥ်တစ်ခုချမှတ်ခဲ့ပြီး၊ နောက်ခြောက်လအတွင်းမှာ အပြီးသတ်အကောင်အထည်ဖော်သွားမှာဖြစ်တယ်လို့ သိရပါတယ်။

                တစ်နိုင်ငံလုံး အင်တာနက်အသုံးပြုနိုင်အောင် ကြိုးစားလျက်ရှိတဲ့ အိန္ဒိယအစိုးရရဲ့အစီအစဉ်မှာ ပြည်ပနည်းပညာကုမ္ပဏီကြီးတွေဖြစ်တဲ့ Google၊ Facebook နဲ့ Microsoft တို့ကလည်း ကူညီပေးလျက်ရှိပါတယ်။