‘8-Day Battery Life’ ရှိတယ်လို့ ကြွေးကြော်ထားတဲ့ Snapdragon 425 SoC သုံး Xiaomi Redmi 5A ထွက်ရှိ

date_range 17 October 2017

‘8-Day Battery Life’ ရှိတယ်လို့ ကြွေးကြော်ထားတဲ့ Snapdragon 425 SoC သုံး Xiaomi Redmi 5A ထွက်ရှိ

visibility 15480 Views

                Redmi Note 5A ထွက်ရှိပြီးနောက် နှစ်လောက်အကြာမှာ Xiaomi က သူ့ရဲ့ Budget ဖုန်းစီးရီးတစ်ခုဖြစ်တဲ့ Redmi မော်ဒယ်အသစ် Redmi 5A ကို ထပ်မံ ထုတ်လုပ်လိုက်ပြီဖြစ်ပါတယ်။

                လောလောဆည် တရုတ်နိုင်ငံမှာပဲ ရောင်းချမယ့် Redmi 5A ဖုန်းဟာ တရုတ်ယွမ်ငွေ ၅၉၉ ( ဒေါ်လာ ၉၀ ) ခန့်သာ ရှိမှာဖြစ်ပါတယ်။ ဖုန်းကိုယ်ထည်ကို Alloy ကိုယ်ထည်ပဲ သုံးထားပြီး၊ Metal ထက် ပိုမိုပေါ့ပါးတာကြောင့် ဖုန်းအလေးချိန်က ၁၃၇ ဂရမ်ပဲ ရှိတယ်လို့ Xiaomi က ဆိုပါတယ်။


                Xiaomi ရဲ့ ပြောကြားချက်အရတော့ Redmi 5A ဖုန်းဟာ Stand-by ထားရင် ဘက်ထရီ ၈ ရက်တိတိ ခံတယ်လို့ သိရပါတယ်။ မနှစ်ကထွက်ခဲ့တဲ့ Redmi 4A လိုပဲ ဒီဖုန်းမှာ Fingerprint Sensor ပါဝင်မှာမဟုတ်ဘဲ၊ MIUI 9 နဲ့ ထွက်ရှိလာတာ ဖြစ်ပါတယ်။ ဒီဇိုင်းက Redmi 4A ကို နည်းနည်းလေးပြောင်းလဲထားတဲ့ ဒီဇိုင်းဖြစ်ပြီး၊ ထောင့်တွေ၊ ဘေးဘက်တွေက Redmi 4A ထက် ပိုကွေးညွတ်တာကို မြင်တွေ့ရပါတယ်။

                Specifications အကြမ်းဖျဉ်းကတော့ ပါဝါသုံးစွဲမှုနည်းတဲ့ 1.4 GHz Quad-core Snapdragon 425 SoC၊ 2 GB RAM နဲ့ 5-inch HD (720x1280 pixels) Display တို့ ပါရှိပြီး၊ လောလောဆည်တော့ 16 GB မော်ဒယ်တစ်မျိုးပဲ ထွက်ထားပါသေးတယ်။ ကျောကင်မရာက 13-Megapixel, f/2.2 Sensor နဲ့ ဖြစ်ပြီး၊ ရှေ့ကင်မရာကတော့ 5-Megapixel ကင်မရာ ဖြစ်ပါတယ်။ 4G အသုံးပြုနိုင်တဲ့ Dual-SIM ဖုန်းဖြစ်ပြီး၊ microSD ကတ်လည်း 128 GB အထိ စိုက်လို့ရမှာဖြစ်ပါတယ်။ ဘက်ထရီကတော့ 3000mAh ဘက်ထရီပဲဆိုပေမယ့်၊ MIUI 9 ၊ Snapdragon 425 နဲ့ HD Display တို့ အစွမ်းကြောင့် ဘက်ထရီကတော့ ကုမ္ပဏီကပြောထားတဲ့အတိုင်းနီးပါး ခံလောက်ပါတယ်။

Xiaomi Redmi 5A စမတ်ဖုန်းရဲ့ Specifications အပြည့်အစုံကို ဒီမှာ ကြည့်ရှုနိုင်ပါတယ်။


References
Gadgets NDTV
About Author
Assinged Tags
Xiaomi Smartphones Redmi 5A
Categorized Under
News

Join Us On

Facebook
YouTube
Twitter
GooglePlus
TechX RSS Feed