Internet Browsing လုပ်တဲ့အခါ စိတ်ရှုပ်စရာအကောင်းဆုံးတစ်ခုဖြစ်တဲ့ Websites တွေက Auto-Play Videos တွေကို Apple ရဲ့ Safari Browser အပါအဝင် Browser တော်တော်များများက အဆုံးသတ်ဖို့ ပြင်ဆင်နေပါပြီ။

                macOS High Sierra နဲ့အတူ တွေ့ရမယ့် Safari Browser အသစ်မှာ Auto-Play Videos တွေကို ပိတ်ထားနိုင်မယ့် Feature တစ်ခုပါဝင်လာဖို့ရှိပါတယ်။ ဒီ့အပြင် လာမယ့် ၀၁၈ ခုနှစ်၊ ဇန်နဝါရီလလောက်မှာထွက်မယ့် Chrome 64 မှာလည်း Auto-play Video တွေကို အလိုအလျောက်ပိတ်ပေးမယ့် Feature တစ်ခု ပါဝင်လာမှာဖြစ်တယ်လို့ Google က တရားဝင်ကြေငြာလိုက်ပါတယ်။

                Chrome 64 ကနေစပြီးတော့ Websites တွေက Auto-Play Videos တွေကို အောက်ပါအချက်အလက်တွေနဲ့ ကိုက်ညီမှသာ ဖွင့်ပေးတော့မှာဖြစ်ပါတယ်။ ဒါတွေကတော့ Default အနေနဲ့ အသံ Mute လုပ်ထားတဲ့ Auto-Play Videos တွေ၊ ဒါမှမဟုတ် User က စိတ်ဝင်စားမှုရှိတဲ့ Videos တွေမှ Auto-Play ပေးမှာဖြစ်ပါတယ်။

                User က စိတ်ဝင်စားမှုကို ဘယ်လိုဆုံးဖြတ်မလဲဆိုတော့ Auto-Play Videos ထည့်သွင်းထားတဲ့ အဆိုပါ Website ကို User က ဖုန်း Home Screen မှာ Shortcut ထည့်ထားရင် ဒါမှမဟုတ် Desktop မှာဆို User တစ်ယောက်က အဲဒီ့ Website မှာ ဗီဒီယိုတွေကြည့်နေကျဆိုရင်တော့၊ User စိတ်ဝင်စားမှုရှိကြောင်း မှတ်ယူကာ Auto-Play ဖွင့်ပေးမှာဖြစ်ပါတယ်။ Google ရဲ့ ပြောကြားချက်အရ User တစ်ယောက်ဟာ Website တစ်ခုမှာ လျှောက်ကြည့်နေတုန်း Website တစ်နေရာရာကို Click လုပ်လိုက်ရင်လည်း Auto-Play Video ဖွင့်ပေးမှာ ဖြစ်တယ်လို့ သိရပါတယ်။

                အပေါ်က အချက်တွေကို ကြည့်မယ်ဆိုရင် Auto-Play Vidoes တွေကို ထိထိရောက်ရောက်တိုက်ဖျက်တာမျိုး မဟုတ်သေးပေမယ့်လည်း၊ ကိုယ်က ဘာမှမလုပ်ရဘဲနဲ့ ပွင့်လာတဲ့ Auto-Play Videos တွေရဲ့ ဒုက္ခကနေ တော်တော်တော့ သက်သာသွားမှာပါ။

                Chrome 64 ရဲ့ Auto-Play Blocking Feature ဟာ မိုဘိုင်းမှာကော Desktop မှာပါ တစ်ပုံစံတည်း အလုပ်လုပ်မှာဖြစ်တယ်လို့လည်း Google က ပြောကြားခဲ့ပါတယ်။

                Google ဟာ Chrome 63 မှာလည်း ကိုယ်မကြိုက်တဲ့ Website တွေက အသံကို ထာဝရပိတ်ထားနိုင်မယ့် Feature တစ်ခုကို ထည့်သွင်းပေးဖို့ ရှိပါတယ်။

                Apple ရဲ့ Safari 11 Browser မှာတော့ Auto-Play Videos တွေက အသံကို Mute လုပ်ထားနိုင်တာ၊ ကိုယ်ရွေးပေးထားတဲ့ Website တွေမှာ လုံးဝ Auto-Play ပိတ်ပစ်နိုင်တာ၊ ဒါမှမဟုတ် ဒီထက်ပိုအာရုံမနောက်ချင်ရင် Internet ပေါ်က ရှိသမျှ Websites အကုန်လုံးကို Auto-Play ပိတ်ပစ်တာမျိုး အထိ လုပ်လာနိုင်ဖွယ်ရှိပါတယ်။

                Browsers တွေရဲ့ ဒီလိုလုပ်ရပ်ဟာ ကြော်ငြာရှင်တွေ၊ Website ပိုင်ရှင်တွေအတွက်တော့ စိတ်ကျေနပ်ဖွယ်ရာ မဟုတ်ပေမယ့်၊ User တွေအတွက်တော့ စိတ်ချမ်းချမ်းသာသာနဲ့ Browsing လုပ်လာနိုင်မှာပါ။