Xiaomi Mi MIX ဟာ မနှစ်က ပထမဆုံး Bezel-less ဘောင်ပျောက် Design နဲ့ ထုတ်ခဲ့တဲ့ဖုန်းဖြစ်ပြီး၊ Earpiece အတွက် Ultrasonic နည်းပညာသုံးထားတာ၊ ကိုယ်ထည်ကိုလည်း Ceramic ကြွေသားနဲ့ ပြုလုပ်ထားတဲ့အတွက်ကြောင့် ဖုန်းလောကမှာတော်တော်လေးကို Innovative ဖြစ်ခဲ့တဲ့ ဖုန်းတစ်ခုဖြစ်ခဲ့ပါတယ်။ 

                အခုအချိန်မှာ Xiaomi ဟာ Mi MIX ရဲ့ နောက်ထပ် Generation ဖြစ်လာမယ့် Mi MIX 2 ကို မကြာခင်ကြေငြာတော့မှာဖြစ်ပြီး ပါဝင်တဲ့အချက်အလက်တွေကို GFXBench ကတစ်ဆင့် ပေါက်ကြားခဲ့တာဖြစ်ပါတယ်။

                Xiaomi Mi MIX 2 မှာ လက်ရှိအမြန်ဆုံး CPU Processor ဖြစ်တဲ့ Qualcomm Snapdragon 835 ပါဝင်လာမှာဖြစ်ပြီး၊ RAM အနေနဲ့ 6GB ပါဝင်မှာဖြစ်ပါတယ်။ Android Version 7.1.1 ကို အသုံးပြုထားတာကိုလည်း တွေ့မြင်ရမှာဖြစ်ပါတယ်။ 

            အခြားသတင်းတွေအရတော့ Xiaomi Mi MIX 2 မှာ ယခင် Mi MIX ထက် ပိုပြီးပါးလွှာတဲ့ ဘေးဘောင်တွေနဲ့ 19MP + 13MP Dual Camera ပါဝင်လာမယ်လို့သိရပါတယ်။ Screen Size အနေနဲ့ 6.4" ပဲရှိနေမှာဖြစ်ပြီး AMOLED QuadHD 2540x1440 Pixels Display ပါဝင်လာမယ်လို့ ခန့်မှန်းထားကြပါတယ်။ Battery အနေနဲ့လည်း 4500mAh Battery ပါဝင်ဦးမှာဖြစ်ပါတယ်။