Google က မကြာခင် ထုတ်လုပ်တော့မယ့် Google Pixel 2 ဖုန်းမှာ  Qualcomm Snapdragon Processor အသစ်ဖြစ်တဲ့ Snapdragon 836 ကို ပြောင်းလဲအသုံးပြုလာမယ်လို့ အစောပိုင်းက သတင်းထွက်ခဲ့ပါတယ်။ 

                ဒါပေမယ့် အခုအချိန်မှာတော့ အဆိုပါသတင်းတွေဟာ မမှန်ကန်တော့ပဲ Google Pixel 2 နဲ့ Google Pixel 2 XL ဖုန်းတွေမှာ ထွက်ရှိပြီးသား Qualcomm Snapdragon 835 ကိုပဲ အသုံးပြုလာတော့မယ်လို့ သိရပါတယ်။ ဘာဖြစ်လို့လည်းဆိုရင် Snapdragon 836 Processor ဟာ ကောလဟာလတစ်ခုသာဖြစ်ပြီး အမှန်တကယ်မထုတ်လုပ်ထားတာကြောင့်ဖြစ်တယ်လို့ သိရပါတယ်။

                Qualcomm Snapdragon 836 Processor ကို လာမယ့် စက်တင်ဘာလ ၁၁ ရက်နေ့မှာ ကြေငြာသွားမယ့် Xiaomi Mi Mix 2 Smartphone မှာလည်း ပါဝင်လာမယ်လို့ သတင်းထွက်နေပေမယ့် အခုသတင်းသာ အမှန်ဆိုရင် Xiaomi Mi Mix 2 မှာလည်း Snapdragon 835 Processor ပဲအသုံးပြုလာတော့မယ့်သဘောရှိပါတယ်။

                Qualcomm Snapdragon 836 Processor ကောလာဟလသတင်းတွေမှာလည်း Snapdragon 836 ဟာ Snapdragon 835 နဲ့ Performance အများကြီးကွာခြားမှုရှိမှာမဟုတ်ဘဲ၊ မနှစ်က Snapdragon 820 နဲ့ Snapdragon 821 လိုမျိုးပဲဖြစ်လာမယ်လို့ သိခဲ့ရပါတယ်။