Google ဟာ MWC 2017 ပွဲမှာ ကြေငြာသွားတဲ့အတိုင်းပဲ Google Assistant ကို တခြား Android ဖုန်းတွေအတွက်ပါ ထုတ်ပေးလိုက်ပြီဖြစ်ပါတယ်။

                ယခုတစ်ပတ်၊ ကြာသပတေးနေ့ကစတင်ကာ “သတ်မှတ်ချက်ပြည့်မီတဲ့ Android ဖုန်းတွေ” အတွက် ထုတ်ပေးခဲ့တာဖြစ်ပြီး၊ လောလောဆည် US က Android user တွေပဲ ရရှိဦးမှာဖြစ်ပါတယ်။ US ပြီးရင် သြစတြးလျ၊ ကနေဒါနဲ့ ယူကေ တို့မှာ ရရှိမှာဖြစ်ပြီး၊ အာရှဘက်က User တွေအနေနဲ့ ဘယ်အချိန်လောက် ရရှိမလဲဆိုတာတော့ မသိရသေးပါဘူး။

“ Google Assistant က ခင်ဗျားရဲ့ နေ့စဥ်ဘဝကို ပိုမိုအဆင်ပြေချောမွေ့အောင် ကူညီပေးမှာပါ။ ဒီနေ့ကနေစပြီးတော့၊ Google Play Services ရှိတဲ့ Android 7.0 Nougat နဲ့ Android 6.0 Marshmallow ဖုန်းတွေမှာ စတင်အသုံးပြုနိုင်ပါပြီ။ စသုံးချင်တယ်ဆိုရင် Home ခလုတ်ကို ဖိထားလိုက်ရုံပါပဲ”

                လို့ Google က Blog မှာ ရေးသားဖော်ပြထားပါတယ်။

                Google Assistant အတွက် App တစ်ခု သီးသန့်ထပ် Download လုပ်စရာမလိုဘဲ၊ ကိုယ့်ဖုန်းမှာရပြီဆိုရင် Home ခလုတ်ကို ဖိထားလိုက်ရုံပါပဲ။ Assistant ရပြီဆိုရင်တော့ ကျနော်တို့အရင်ကသုံးနေတဲ့ Google Now ပျောက်သွားမှာဖြစ်ပြီး၊ ကိုယ့်ဖုန်းမှာ ရ,မရကို အခုပဲ Home ခလုတ်ကို ဖိပြီး စမ်းသပ်ကြည့်လိုက်ပါ။