ကျနော်တို့မကြာခင်က ခန့်မှန်းထားတဲ့အတိုင်း Google Assistant ကို အခုဆိုရင် Android 6.0 နှင့်အထက် Android ဖုန်းတွေအားလုံးမှာ အသုံးပြုနိုင်တော့မှာြဖစ်ကြောင်း Google က ကြေငြာလိုက်ပါပြီ။

                အရင်က Google Assistant ကို Google ထုတ် Pixel ဖုန်းတွေမှာပဲ အသုံးပြုလို့ရခဲ့တာဖြစ်ပြီး၊ မနေ့က မိတ်ဆက်ခဲ့တဲ့ LG G6 ဖုန်းက Google Assistant ပါတဲ့ ပထမဆုံး non-Pixel ဖုန်းအဖြစ် မှတ်တမ်းဝင်ခဲ့ပါတယ်။ ဒါပေမယ့် LG G6 မိတ်ဆက်ပြီးမကြာခင်မှာပဲ Google က Assistant ကို တခြားဖုန်းတွေမှာပါ အသုံးပြုလို့ရပြီဖြစ်ကြောင်း ကြေငြာခဲ့တာဖြစ်ပါတယ်။

                Google Assistant ကို အသုံးပြုခွင့်ရဖို့အတွက် Android ဖုန်းကို Update လုပ်စရာမလိုဘဲ၊ Google Play Services ရှိတာနဲ့ အသုံးပြုလို့ရမှာဖြစ်တယ်လို့ ဆိုပါတယ်။ ယခုတစ်ပတ်ထဲ US က Marshmallow နဲ့ Nougat ဖုန်းတွေဆီ အရင်ထွက်ရှိလာမှာဖြစ်ပြီး၊ မကြာခင်မှာ သြစတြေးလျ၊ ကနေဒါ တို့အတွက်ပါ ထွက်ရှိလာမှာဖြစ်ပါတယ်။ ဂျာမနီနိုင်ငံအတွက်လည်း ဂျာမနီဘာသာစကားနဲ့ ထွက်ရှိဖို့ရှိတယ်လို့ သိရပါတယ်။