OnePlus 5 မှာ Android 8.0 Oreo ကို Support ပေးမယ့် OxygenOS Open Beta 3 ကို Download ဆွဲလို့ ရနိုင်ပြီလို့ OnePlus Forum ကနေတစ်ဆင့် သိရပါတယ်။ မကြာသေးမီ အချိန်က ကတိပေးထားခဲ့တဲ့အတိုင်း OnePlus ကုမ္ပဏီအနေနဲ့ OnePlus 5T မှာ ထည့်သွင်းပေးခဲ့တဲ့ Face Unlock Feature ကို ယခု OxygenOS Open Beta 3 နဲ့အတူ OnePlus 5 မှာလည်း ထည့်သွင်းပေးလိုက်ပြီ ဖြစ်ပါတယ်။

                OnePlus 5 မှာ Face Unlock Feature ရရှိဖို့အတွက် Front Camera ကို အသုံးပြုမှာပါ။ Front Camera ကနေ ပေးပို့လိုက်တဲ့ အသုံးပြုသူရဲ့ Facial Data ကို မှန်ကန်မှု ရှိ၊ မရှိ သိရှိစေဖို့အတွက် သီးသန့် Software တစ်ခုကို အသုံးပြုပြီး စစ်ဆေးသွားမှာဖြစ်တယ်လို့ သိရပါတယ်။

                OnePlus 5 အတွက် OxygenOS Open Beta 3 မှာ Face Unlock အပြင် အခြား ပါ၀င်လာတဲ့ Feature အသစ်တစ်ခုကတော့ Recorder App အတွက် Shortcut ကို ဖုန်းရဲ့ Launcher မှာ ထည့်သွင်း ပေးလိုက်တာပဲ ဖြစ်ပါတယ်။ ဒါ့အပြင် Vibration ကို ပိုပြီး ကောင်းမွန်အောင် ပြုလုပ် ပေးထားသလို 5G Wi-Fi မှာ ဖြစ်ပေါ်နေတဲ့ ကော်နက်ရှင် ပြဿနာကိုလည်း ပြင်ဆင် ပေးထားပါတယ်။ အခြား Bug fix တွေနဲ့ ပြင်ဆင်မှုတွေလည်း ပါဝင်မှာဖြစ်သလို December 2017 Android Security Patches တွေလည်း ယခု Open Beta မှာ ပါ၀င်လာပြီ ဖြစ်ပါတယ်။

                အသစ်ထွက်ရှိလာတဲ့ OxygenOS Open Beta 3 ကို Install လုပ်ချင်တယ် ဆိုရင်တော့ ဒီမှာ ရယူ နိုင်ပါတယ်။ အခုထွက်ရှိလာတာ Open Beta ဖြစ်တဲ့ အတွက်ကြောင့် Bugs တွေ Error တွေတော့ ရှိနိုင်ပါတယ်။ OnePlus 3 နဲ့ 3T အတွက် Official Oreo Update ကို ၂၀၁၇ နိုဝင်ဘာလတုန်းက ထုတ်ပေးခဲ့တဲ့ OnePlus ဟာ OnePlus 5 နဲ့ OnePlus 5T အတွက် Official Android Oreo Update ကို ၂၀၁၈ အစောပိုင်းမှာ ထုတ်ပေးမယ်လို့ သိရပါတယ်။

This Article is contributed by Phyo Kyaw Swar.