Samsung ဟာ Budget Level Tablet တစ်ခုဖြစ်တဲ့ Galaxy Tab A Tablet မော်ဒယ်အသစ်ကို မိတ်ဆက်လိုက်ပြီဖြစ်ပါတယ်။ အဆိုပါ Tablet က အနိမ့်ပိုင်း Tablet တစ်ခုဖြစ်ပေမယ့် တစ်ခုထူးခြားတာက Samsung Galaxy J7+ လိုပဲ Bixby Home Feature ပါဝင်လာတာဖြစ်ပါတယ်။ 

                ဒါပေမယ့် တစ်ခုရှိတာက အခု Bixby Home Feature က Samsung Galaxy Note 8 နဲ့ S8 တို့လိုမျိုး အသံနဲ့ခိုင်းစေနိုင်တဲ့ Assistant မဟုတ်ပဲ Reminder တွေ၊ Calendar ၊ Weather နဲ့ အချိန်တွေကိုဖော်ပြသွားမယ့် Virtual Assistant's Card ပုံစံပဲရှိနေမှာဖြစ်ပါတယ်။ အဲ့ဒီအတွက် Assistant လိုမျိုး ခိုင်းစေတာတွေကိုတော့ လုပ်ဆောင်နိုင်မှာမဟုတ်ပါဘူး။ 

                Samsung Galaxy Tab A ဟာ Specification တွေအရတော့ အမြင့်ကြီးမဟုတ်ပဲ သာမန်ပဲလို့ပြောလို့ရပါတယ်။ ၈ လက်မအရွယ် Display က 1280×800 Pixels Resolution ပဲရှိမှာဖြစ်ပြီး RAM 2GB နဲ့ Internal Storage က 16GB ပဲပါဝင်မှာဖြစ်ပါတယ်။ Processor အနေနဲ့ကတော့ 1.4Ghz Processor ပါဝင်တယ်လို့ သိရပါတယ်။ Processor Model အတိအကျကိုတော့ ဖော်ပြထားခြင်းမရှိပါဘူး။

                ကျန်တဲ့အချက်တွေအနေနဲ့ကတော့ Back Camera က 8 MP နဲ့ Front Selfie Camera က 5 MP ပါဝင်မှာဖြစ်ပြီး 5000mAh Battery ပါဝင်မှာပါ။ အခုဒီ Galaxy Tab A ကို တောင်ကိုရီးယားမှာအရင်ရောင်းချသွားမှာဖြစ်ပြီး Wifi Version ကို ဒေါ်လာ ၂၄၀ ဝန်းကျင်နဲ့ LTE Version ကို ဒေါ်လာ ၂၈၀ ဝန်းကျင်ကျသင့်မယ်လို့ သိရပါတယ်။