Apple ရဲ့ ဆယ်နှစ်ပြည့်အထိမ်းအမှတ်အနေနဲ့ ထုတ်လုပ်ထားတဲ့ iPhone X ဟာ လတ်တလောမှာ အအေးကြောက်တဲ့ဝေဒနာ ကို ခံစားနေရပြီး၊ အခုလည်း အချို့ iPhone X တွေရဲ့ Display မှာ အစိမ်းကြောင်းကြီးတွေ ပေါ်လာတာကို တွေ့မြင်နေရတယ်လို့ သိရှိထားရပါတယ်။

                ဒီလိုဖြစ်ပွားခဲ့တဲ့ iPhone X တွေဟာ ဘူးဖောက်ဖောက်ချင်းမှာ မြင်တွေ့ခဲ့ရတာမျိုးမဟုတ်ဘဲ၊ အချိန်အနည်းငယ်ကြာတော့မှသာ သူ့အလိုလိုပေါ်လာတယ်လို့ သိရှိခဲ့ရပါတယ်။ ကြည့်ရသလောက်ကတော့ ဒီအစိမ်းရောင်ကြောင်းကြီးတွေဟာ Display Controller ချို့ယွင်းမှု (ဒါမှမဟုတ်) Display ကိုချိတ်ဆက်ထားတဲ့ Ribbon Cable ကြောင့်ဖြစ်နိုင်တယ်လို့ ယူဆရပါတယ်။

Green line of death @AppleSupport pic.twitter.com/Xf65NVogW4

— Christian Roman (@chroman) November 8, 2017

                Apple အနေနဲ့ အခုလိုဖြစ်ပွားခဲ့တဲ့ ပြဿနာအတွက် ဖြေရှင်းချက်တစ်စုံတစ်ရာ ထုတ်ပြန်ထားတာမျိုးမရှိသေးပါဘူး။ ဒါပေမယ့်လည်း ဒီလိုမျိုး ပြဿနာတွေဖြစ်ပေါ်ခဲ့တဲ့ အသုံးပြုသူတွေကိုတော့ Warranty နဲ့ အသစ်တစ်လုံးပြန်လဲပေးခဲ့တယ်လို့ သိရှိရပါတယ်။ တကယ်လို့သာ သင့်ရဲ့ iPhone X ဟာလည်း ဒီလိုမျိုး Screen Defect ပြဿနာဖြစ်ပေါ်နေတယ်ဆိုရင်တော့ ဝယ်ယူခဲ့တဲ့ဆိုင်မှာ ပြန်လဲပေးဖို့ တောင်းဆိုသင့်ပါတယ်။

                Apple ဟာ iPhone X အတွက် Display ကို ပထမဦးဆုံးအနေနဲ့ LCD အစား OLED Display စတင်အသုံးပြုခဲ့တာဖြစ်ပါတယ်။ ပထမဦးဆုံးအကြိမ်ဖြစ်တာကြောင့်လည်း Apple အနေနဲ့ အတွေ့အကြုံမရှိသေးတာကြောင့် Screen Defect ပြဿနာတွေ ရင်ဆိုင်နေရတယ်လို့လည်း ယူဆရပါတယ်။