Apple က iPhone 8 ကို တရားဝင် မမိတ်ဆက်ရသေးပေမယ့်၊ CEO Tim Cook ကတော့ အခုကတည်းက iPhone 8 ကို ကိုင်နေတဲ့ပုံပါပဲ။

                Apple CEO Tim Cook တစ်ယောက် Cincinnati မှာရှိတဲ့ ထုတ်လုပ်ရေးစက်ရုံတစ်ရုံကို အလည်အပတ်သွားတုန်းက ရိုက်ထားတဲ့ဓာတ်ပုံကို Twitter မှာ တင်ပြီးနောက်မှာ၊ ဒီဓာတ်ပုံကိုမြင်လိုက်သူတိုင်းက Tim Cook ဘောင်းဘီအိတ်ထဲက ဖုန်းက ဘာဖုန်းဖြစ်မလဲဆိုတာကိုပဲ စိတ်ဝင်စားနေကြပါတယ်။

Thanks to the team at CTS in Cincinnati, manufacturers of best-in-class testing equipment for Apple. Enjoyed my visit this morning! pic.twitter.com/lFLW5caYxw

— Tim Cook (@tim_cook) August 24, 2017

                Tim Cook ညာဘက်ဘောင်းဘီအိတ်ကပ်ထဲကဖုန်းဟာ ဒီတိုင်း အမြင်နဲ့ကြည့်မယ်ဆိုရင်တောင် တော်တော်ရှည်နေတဲ့အတွက် iPhone 7 လုံးဝမဖြစ်နိုင်သလို၊ 7 Plus လို့ ဆိုရအောင်ပြန်လည်း ဖုန်းအနံက အနည်းငယ်ကျဉ်းနေတာကို သတိထားမိမှာပါ။

Looks like Tim Cook is carrying an iPhone 8 in his pocket. It is too tall to be an iPhone 7 and too narrow to be a 7 Plus pic.twitter.com/Oxksy6zdXG

— Asem H. (@UMAD) August 24, 2017

                Tim Cook ရဲ့ အရပ် ၆ ပေ ၃ လက်မနဲ့ အခုဓာတ်ပုံထဲက ဖုန်းအရွယ်အစားကို BGR ကနေ နှိုင်းယှဉ်တွက်ချက်ထားချက်အရ  အဆိုပါဖုန်းဟာ Dimensions အနေနဲ့ အရှည် 156 mm နဲ့ အနံ 74 mm ရှိနိုင်တယ်လို့ ဆိုပါတယ်။ iPhone 7 ( 138.3 mm x 67.1 mm ) နဲ့ iPhone 7 Plus ( 158.2 mm x 77.9 mm) တို့နဲ့ယှဉ်ရင် မီလီမီတာ နည်းနည်းကွာနေတာကြောင့် BGR ကတော့ Tim Cook ဘောင်းဘီအိတ်ထဲကဖုန်းဟာ iPhone 8 လို့ တထစ်ချ ဆိုနေပါတယ်။

                Concept တွေ ထွက်နေတဲ့ iPhone 8 ဒီဇိုင်းတွေအရဆိုရင်လည်း iPhone 8 မှာ ဘေးဘောင်တွေ မပါဝင်တော့ဘဲ စခရင်အပြည့်ဖြစ်လာနိုင်တာကြောင့် ဖုန်းက အနံပိုကျဉ်းသွားနိုင်တာကို ခန့်မှန်းကြည့်မယ်ဆိုရင် အခုဓာတ်ပုံထဲက ဖုန်းပုံစံအရွယ်အစားနဲ့ တော်တော်လေးကိုက်ညီနေတာကို သတိထားမိတဲ့လူတွေလည်း ရှိနေပါတယ်။

                Mobile Carrier တွေဆီကနေ သိရှိရတဲ့ သတင်း အရဆိုရင် Apple အနေနဲ့ iPhone 8 ကို အခုလာမယ့် စက်တင်ဘာလ (၁၂) ရက်နေ့မှာ မိတ်ဆက်မှာဆိုတော့ ဘယ်လိုပုံစံဖြစ်မလဲဆိုတာ အဲ့နေကျရင်တော့ တရားဝင် သိရမှာပါ။