လက်ရှိ Samsung Galaxy S8 မှာပဲ ပါဝင်သေးတဲ့ Samsung ရဲ့ကိုယ်ပိုင် Voice Assistant ဖြစ်တဲ့ Bixby ဟာ Samsung Galaxy S8 နဲ့အတူ ထွက်ရှိလာတာဖြစ်ပေမယ့်၊ စထွက်ထွက်ချင်းမှာ အသုံးပြုလို့မရခဲ့ပါဘူး။ မြန်မာနိုင်ငံက Galaxy S8/S8+ တွေအနေနဲ့လည်း Bixby ရဲ့ Function တချို့သာ သုံးလို့ရခဲ့ပါတယ်။ ဒါပေမယ့် ပြီးခဲ့တဲ့လမှာတော့ US က အသုံးပြုသူတွေအနေနဲ့ Bixby ရဲ့ Feature တွေအကုန်လုံးကို စတင်အသုံးပြုနိုင်ခဲ့ပြီး၊ အခုအခါ တစ်ကမ္ဘာလုံးမှာလည်း Feature အပြည့် အသုံးပြုလာနိုင်ပြီလို့ သိရပါတယ်။

                ယခုအချိန်မှာတော့ Samsung Bixby Assistant ကို တကမ္ဘာလုံးအတိုင်းအတာနဲ့ နိုင်ငံ ၂၀၀ ကျော်မှာ စတင်အသုံးပြုလို့ရနေပါပြီ။ အခုလိုရရှိလာတာဟာ မကြာခင်အချိန်အတွင်းမှာ မိတ်ဆက်တော့မယ့် Samsung Galaxy Note 8 မထွက်လာခင်၊ အမီဖြစ်အောင် ထုတ်ပေးလိုက်တာလို့ ခန့်မှန်းရပါတယ်။ နိုင်ငံ ၂၀၀ ကျော်မှာ အသုံးပြုနိုင်ပြီဖြစ်ပေမယ့်လည်း ဘာသာစကားအနေနဲ့ကတော့ English နဲ့ Korean ပဲ အသုံးပြုနိုင်မှာဖြစ်ပါတယ်။ နောက်အချိန်အနည်းငယ်ကြာရင်တော့ အခြားဘာသာစကားတွေပါ ရရှိနိုင်ပါလိမ့်မယ်။ 

                Samsung ရဲ့ Bixby Assistant ရှိနေပေမယ့်လည်း Galaxy S8/S8+ ဖုန်းတွေမှာ Google Assistant ကိုလည်း ပုံမှန်အတိုင်းအသုံးပြုနိုင်နေဦးမှာဖြစ်ပြီး Samsung ရဲ့ အဆိုအရတော့ Bixby Assistant ဟာ ဖုန်းကို ပိုပြီးခိုင်းစေမှုတွေပြုလုပ်နိုင်မယ်လို့ သိရပါတယ်။ 

                တကယ်လို့ Samsung Galaxy S8/S8+ ဖုန်းကို ကိုင်ဆောင်နေတဲ့သူတွေရှိတယ်ဆိုရင် System Update မှာ Bixby ကို Update ပြုလုပ်ပြီးတာနဲ့ Bixby Button ကို နှိပ်ပြီးပဲဖြစ်ဖြစ်၊ "Hi, Bixby" လို့ပြောပြီးပဲဖြစ်ဖြစ် စတင်အသုံးပြုစမ်းသပ်ကြည့်ဖို့ အကြံပြုလိုက်ပါတယ်။