သြဂုတ် ၆၊ ၂၀၁၂ ခုနှစ်မှာ iOS ပေါ်မှာ Default အဖြစ်မြင်တွေ့နေကြဖြစ်တဲ့ YouTube App ကို စတင်ထုတ်ပစ်ခဲ့တဲ့နေ့ဖြစ်ပါတယ်။ Apple ဟာ iOS 6 မတိုင်ခင်အထိ Google မှ YouTube နဲ့ Maps ကို Default App အဖြစ်အသုံးပြုခဲ့ပါတယ်။
ဒါပေမဲ့ iOS 6 ထွက်လာခဲ့တဲ့အချိန်မှာ Apple ဟာ Navigation နဲ့ Location Service တွေအတွက် Google Maps အစား ကိုယ်ပိုင်ပြုလုပ်ထားတဲ့ Maps ကိုအစားထိုးသုံးစွဲခဲ့ပါတယ်။ iOS 6 Beta 4 မှာတော့ YouTube App ကို Default App နေရာကနေ လုံး၀ဖြုတ်ချပစ်ခဲ့ပါတယ်။
Apple မှ ပြောကြားချက်အရ Google က YouTube ကို Default App အဖြစ်ထည့်သွင်းပေးဖို့လိုင်စင်ဟာ အဆုံးသတ်ခဲ့ပြီလို့ သိရှိခဲ့ရပါတယ်။ အဲ့ဒီအချိန်ကစပြီး iOS မှာ YouTube ကို Browser ကနေမဟုတ်ပဲ App အနေနဲ့အသုံးပြုလိုတဲ့အခါ App Store ကနေပဲ Download ဆွဲခဲ့ရတာ ယနေ့ထိတိုင်ပါပဲ။
Join Us On