ဇူလိုင် ၂၅၊ ၂၀၀၅ ခုနှစ်မှာ အကြမ်းဖက်မှုကိုအားပေးတဲ့ Video Games တွေကိုရောင်းချမှုကိုရပ်တန့်ဖို့ ရေးဆွဲထားတဲ့ ဥပဒေမူကြမ်းကို တရား၀င်ဥပဒေအဖြစ် ပြဌာန်းနိုင်ဖို့ Illinois, United States မှ အုပ်ချုပ်ရေးမှုး Rod Blagojevich မှလက်မှတ်ရေးထိုးခဲ့တဲ့နေ့ဖြစ်ပါတယ်။ 

                ဥပဒေမူကြမ်းအရ Adult Rating နဲ့ အကြမ်းဖက်မှုအသားပေးဂိမ်းတွေကိုရောင်းချခဲ့ပါက ရောင်းချတဲ့သူအနေနဲ့ USD $1000 အထိဒဏ်ငွေပေးဆောင်ရမှာဖြစ်ပါတယ်။ ချက်ချင်းဆိုသလိုပဲ Video Games Groups တွေကနေ Rod Blagojevich ရဲ့ဥပဒေမူကြမ်းဟာ လွတ်လပ်စွာ ပြောဆိုပြုမူနေထိုင်ခွင့်ကို ချိုးဖောက်တဲ့အတွက်ကြောင့် တရားပြန်လည်စွဲဆိုခဲ့ပါတယ်။

                ဒီဥပဒေကို United States ခရိုင်တရားရုံးမှ Illinois ရဲ့မြောက်ပိုင်းခရိုင်တရားသူကြီး Matthew Kennelly ကနေ ဖွဲ့စည်းပုံအခြေခံဥပဒေနဲ့ မညီညွတ်တဲ့အတွက် ပယ်ဖျက်ခဲ့ပါတယ်။