ဇွန်လ ၂၅၊  ၁၉၈၁ ခုနှစ်မှာ Microsoft ကုမ္ပဏီကို Microsoft Corporation တစ်ခုအဖြစ် ပြောင်းလဲခဲ့ပြီး Bill Gates ဟာ Microsoft Corporation ရဲ့ President ဖြစ်လာခဲ့ပါတယ်။ Paul Allen ကတော့ Vice President အဖြစ်တာ၀န်ယူခဲ့ပြီး Steve Ballmer ဟာ နှစ်စဉ်လစာ USD $50,000 ခံစားခွင့်ရှိတဲ့ Full-time ၀န်ထမ်းတစ်ယောက်အဖြစ် ၀င်ရောက်လာခဲ့ပါတယ်။

                Microsoft Corporation အဖြစ် ပြောင်းလဲအပြီးမှာပဲ Paul Allen ကနေ Seattle Computer Products ရဲ့ အဓိကအဖွဲ့၀င်တစ်ယောက်ဖြစ်တဲ့ Rod Brock အား 86-DOS (Disk Operating System) ရဲ့ မူပိုင်ခွင့်တွေအားလုံးကို USD $30,000 နဲ့၀ယ်ယူဖို့ကမ်းလှမ်းခဲ့ပါတယ်။ IBM နဲ့ အဆက်အသွယ်ရှိတဲ့ Microsoft Corporation ဟာ 86-DOS ကိုအသုံးပြုပြီး IBM PC လိုင်စင်ပြန်တင်ဖို့နဲ့ MS-DOS (Microsoft Disk Operating System) အဖြစ် ပြောင်းလဲဖို့ရည်ရွယ်ခဲ့တာဖြစ်ပါတယ်။

                လပေါင်းများစွာ 86-DOS ရဲ့ ပိုင်ဆိုင်မှုကိစ္စကို ညှိနှိုင်းပြီးတဲ့အခါ Seattle Computer Products ကနေ 86-DOS ကို USD $50,000 နဲ့ Microsoft ကိုရောင်းချဖို့သဘောတူခဲ့ပါတယ်။ ဒါပေမဲ့ IBM နဲ့ အဆက်အသွယ်ရှိပြီး Microsoft ရဲ့နောက်ထပ် လှမ်းမယ့်ခြေလှမ်းကို အနည်းငယ်မြင်ပြီးသွားတဲ့အခါမှာတော့ Seattle Computer Products က USD $1 Million အဖြစ် ပြောင်းလဲသတ်မှတ်ခဲ့ပါတယ်။