မေလ ၂၆ ရက်နေ့၊ ၁၉၉၈ ခုနှစ်မှာ နာမည်ကြီးကုမ္ပဏီတစ်ခုဖြစ်တဲ့ AMD ကနေပြီးတော့ K6-2 CPU Processor ကို စ တင်မိတ်ဆက်ခဲ့ပါတယ်။

                AMD ရဲ့ K6-2 Processor ကို Super Socket 7 ပုံစံနဲ့ဖွဲ့စည်းတည်ဆောက်ထားပြီး Socket 7 Motherboard အဟောင်းတွေပေါ်မှာလည်း အသုံးပြုလို့ရပါတယ်။ Single-Core Processor တစ်ခုဖြစ်ပြီး Clock Rate ဟာ 266 ကနေ 550 MHz ထိပဲရှိတာမို့ အခုခေတ် Processor တွေနဲ့နှိုင်းယှဉ်မယ်ဆိုရင်တော့ Smartphone တစ်လုံးရဲ့ CPU လောက်တောင် မြန်နှုန်းမရှိပါဘူး။ K6-2 ရဲ့ FSB (Front Side Bus) မြန်နှုန်းဟာလည်း 66 ကနေ 100 MHz ထိပဲရှိပါတယ်။ Intel ကုမ္ပဏီ ကနေ အဲ့ဒီအချိန်တုန်းက ထုတ်လုပ်ထားတဲ့ Pentium II Processor ကိုပြိုင်ဆိုင်ဖို့ ထုတ်လုပ်လိုက်တာပဲဖြစ်ပါတယ်။ MMX နဲ့ 3DNow! ကိုလည်း K6-2 မှာ Support ပေးပါတယ်။

                AMD ကနေ K6-2+ Processor ကို Pentium III နဲ့ပြိုင်ဆိုင်ဖို့ ဆက်လက်မိတ်ဆက်ခဲ့ပါသေးတယ်။ ဒီ K6-2 နဲ့ K6-2+ ဟာ Processor Market ထဲမှာ တစ်နှစ်လောက်ပဲကြာမြင့်ခဲ့ပြီး  K6 III ကိုထပ်မံအစားထိုး မိတ်ဆက်ခဲ့ပါတယ်။ AMD ဟာလက်ရှိအချိန်မှာ Processor ထုတ်လုပ်မှုအပေါ်  Intel လောက် သိပ်မအောင်မြင်တော့ပေမဲ့ Graphics ပိုင်းမှာတော့ nVidia နဲ့အပြိုင်အဆိုင်ထုတ်လုပ်နိုင်တဲ့ နာမည်ကြီးကုမ္ပဏီတစ်ခုဖြစ်ပါတယ်။