Google ကနေ ထပ်မံမိတ်ဆက်တော့မယ့် Google Pixel 2 စီးရီးထဲက Pixel XL 2 ရဲ့ သတင်းအချက်အလက်တွေ GFX Bench website မှာ ထွက်ပေါ်လာပြီဖြစ်ပါတယ်။

                5.6" Screen လို့ထွက်ပေါ်လာပေမယ့် Resolution က 2560×1312 ဖြစ်နေတဲ့အတွက်၊ Display က LG G6 လိုမျိုး ပုံမှန် 16:9 Ratio မဟုတ်ပဲ 18:9 Aspect Ratio နဲ့ လာမယ်လို့ ခန့်မှန်းရပါတယ်။ 

                Google Pixel XL 2 ရဲ့ Specifications တွေအနေနဲ့ကတော့ လောလောဆည် သိပ်ပြီးထူးခြားမှုမရှိပဲ၊ Qualcomm Snapdragon 835 Processor, 4GB RAM နဲ့ 128GB ပါဝင်တယ်လို့ ဖော်ပြထားပါတယ်။ 

                ကင်မရာပိုင်းအနေနဲ့လည်း ယခင် Google Pixel ဖုန်းတွေလိုပဲ 12 Megapixels Back Camera နှင့်အတူ Front Camera က 7 Megapixels ပါဝင်ဦးမှာဖြစ်ပါတယ်။ ကင်မရာပိုင်းကတော့ အများကြီးပြောင်းလဲသွားတယ်လို့ မထင်ရပါဘူး။ 

                Google Pixel 2 ကို Snapdragon 835 ကို အနည်းငယ် Improve ပြုလုပ်ထားတဲ့ Snapdragon 836 လည်းပြောင်းလဲအသုံးပြုနိုင်တယ်လို့ သတင်းထွက်နေပြီးတော့ ပြောင်းလဲလိုက်တဲ့ 18:9 Aspect Ratio Screen ကြောင့် Pixel XL 2 ဟာ Bezel-less ဖုန်းတစ်ခုဖြစ်မလားဆိုတာကတော့ ဆက်လက်စောင့်ကြည့်ရမှာပါ။