Nokia အမှတ်တံဆိပ်ဖုန်းထုတ်လုပ်ခွင့်ရရှိထားတဲ့ HMD Global ရဲ့ နောက်ထပ် Nokia ဖုန်းမော်ဒယ်အသစ်တစ်ခုကတော့ မကြာမီထွက်ပေါ်လာဖို့ ရှိပါတယ်။

                Nokia တံဆိပ် တန်ဖိုးနည်း Android ဖုန်းဖြစ်မယ့် Nokia 2 ရဲ့ Specifications အချို့ကို လွန်ခဲ့တဲ့ရက်က Benchmark စစ်ဆေးတဲ့ AnTuTu website မှာ စတင်မြင်တွေ့ခဲ့ရပြီဖြစ်ပြီး၊ Codename TA-1035 အမည်နဲ့ ဖြစ်ပါတယ်။

                AnTuTu မှာ စစ်ဆေးထားတဲ့ Information အရ Nokia 2 လို့ ယူဆရတဲ့ ယခုစမတ်ဖုန်းဟာ Snapdragon 212 SoC ကို အသုံးပြုထားတာ တွေ့ရပြီး၊ 1280x720 pixels HD Display နဲ့ ဖြစ်ပါတယ်။ Display အရွယ်အစားနဲ့ အမျိုးအစားကိုတော့ AnTuTu မှာ မတွေ့ရပေမယ့် ဒီ Resolution လောက်နဲ့ဆို Display က ၅ လက်မအကျယ်လောက်ပဲ ဖြစ်မှာပါ။ တချို့ Rumors တွေမှာတော့ ၄.၇ လက်မလို့ ဆိုထားပါတယ်။

                ဘာပဲပြောပြော ဒီအချက်တွေနဲ့တင် Nokia 2 ဟာ သူ့အရင်ထွက်ထားတဲ့ Nokia 3, 5, 6, 8 တို့ထက် စျေးတော်တော်သက်သာမယ့်ပုံစံရှိပြီး၊ ဖွံ့ဖြိုးဆဲစျေးကွက်ကို ထိုးဖောက်မယ့် ဖုန်းတစ်ခုလို့ ယူဆရပါတယ်။ RAM အနေနဲ့ 1GB သာ ရှိပြီး၊ Internal Storage ကလည်း 8 GB ပဲ ပါရှိမှာပါ။ microSD Card Slot ပါလား ဆိုတာကိုတော့ မသိရသေးပါဘူး။ ကင်မရာအနေနဲ့ 5MP ကျောကင်မရာနဲ့ 8MP ရှေ့ကင်မရာတို့ ပါဝင်လာဖွယ် ရှိပြီး၊ Android 7.1 Nougat နဲ့ စထွက်လာမှာပါ။

                Nokia 3 ကို မြန်မာငွေ တစ်သိန်းရှစ်သောင်းဝန်းကျင်လောက်နဲ့ စတင်ရောင်းချခဲ့တာကို ကြည့်မယ်ဆိုရင် Nokia 2 က ဒီထက်စျေးနည်းဖို့ပဲရှိပြီး၊ မြန်မာငွေတစ်သိန်းစွန်းစွန်းလောက်နဲ့ ထွက်လာနိုင်ပါတယ်။

                HMD Global အနေနဲ့လည်း အောက်တိုဘာလ (၃၁) ရက်နေ့ကျရင် အိန္ဒိယနိုင်ငံမှာ ပစ္စည်းသစ်မိတ်ဆက်ပွဲတစ်ခု လုပ်ဖို့ ဖိတ်ကြားစာတွေ ပို့ထားပြီးဖြစ်တာကြောင့်၊ ဒီပွဲမှာ Nokia 2 ကို တရားဝင်မိတ်ဆက်နိုင်ပါတယ်။

                နာမည်ကြီးမိုဘိုင်းသတင်းထောက်တစ်ယောက်ဖြစ်တဲ့ Evan Blass @evleaks ကိုယ်တိုင်ကလည်း မကြာသေးမီတုန်းက သူ့ရဲ့ Twitter Account မှာ Nokia 2 လို့ နာမည်ပေးထားတဲ့ Nokia ဖုန်းဓာတ်ပုံတွေကို ကြို တင်ထားပြီးပါပြီ။ Evan Blass တင်တဲ့ဓာတ်ပုံဆိုတော့ ဒီအတိုင်းပဲ တကယ်ထွက်ရှိလာဖို့ သေချာသလောက်ကို ရှိပါတယ်။

Nokia 2 pic.twitter.com/IPp6Qvxp8o

— Evan Blass (@evleaks) September 14, 2017