Nokia Smartphones တွေကို လက်လွှဲယူပြီးထုတ်လုပ်နေတဲ့ HMD Global Company ရဲ့ CEO ဖြစ်တဲ့ Arto Nummela ဟာ Company မှာ CEO အဖြစ် တာဝန်ယူပြီး ၁ နှစ်ကျော်အကြာ ယခုအချိန်မှာ ကိုယ်ရေးကိုယ်တာကိစ္စအကြောင်းပြပြီး နှုတ်ထွက်သွားခဲ့တာပဲဖြစ်ပါတယ်။ 

                ယခုလိုဖြစ်သွားတာဟာ လက်ရှိ Nokia ကနေထုတ်လုပ်လျက်ရှိတဲ့ Nokia ဖုန်းအမျိုးအစားအသစ်တွေအပေါ်ကို ထိခိုက်မှုရှိနိုင်မှာမဟုတ်သေးပေမယ့် မကြာခင် ဈေးကွက်ကို ချပြတော့မယ့် Nokia 8 Flagship ဖုန်းမကြေငြာခင် Company ရဲ့ CEO နှုတ်ထွက်သွားတဲ့အတွက် Nokia 8 Smartphone ကြေငြာမှုမှာ အနည်းနဲ့အများနှောင့်နှေးနိုင်တယ်လို့ ခန့်မှန်းရပါတယ်။ 

                HMD Global Company ကတော့ CEO ဖြစ်တဲ့ Arto Nummela နှုတ်ထွက်သွားမှုဟာ ချက်ချင်းအကျိုးသက်ရောက်မှာဖြစ်ပြီး နှစ်ဦးသဘောတူညီမှုအရလည်း နှုတ်ထွက်ခွင့်ပြုခဲ့ပါတယ်။

                Arto Nummela နှုတ်ထွက်သွားတဲ့အတွက် HMD Global ရဲ့ CEO နေရာကို Company ရဲ့ President နဲ့ Co-leader တစ်ဦးဖြစ်တဲ့ Florian Seiche ကပြောင်းလဲတာဝန်ယူထမ်းဆောင်မှာဖြစ်ပါတယ်။ 

                အခုလို HMD Global ရဲ့ ခေါင်းဆောင်ပိုင်း အပြောင်းအလဲနဲ့ Company Board အဖွဲ့ရဲ့ဆုံးဖြတ်ချက်တွေဟာ အလွန်မြန်ဆန်တယ်လို့ပြောနိုင်ပြီး အသေးစိတ်အချက်အလက်တွေကို အတိအကျမသိနိုင်သေးသလို အခုကိစ္စက နောက်ပိုင်း HMD Global ရဲ့ နည်းစနစ်ပိုင်းနဲ့ Nokia ဖုန်းတွေရဲ့ဈေးကွက်ဖြန့်ချီမှုတွေမှာ အပြောင်းအလဲရှိလာနိုင်မလားဆိုတာကိုလည်း အသေအချာမပြောနိုင်သေးပါဘူး။