တောင်ကိုရီးယားအခြေစိုက် နည်းပညာကုမ္ပဏီတစ်ခုဖြစ်တဲ့ LG မှ Mid-Range စမတ်ဖုန်းအနေနဲ့ ထုတ်လုပ်မယ့် Q Series အသစ်ကို တရား၀င်မိတ်ဆက်ပေးခဲ့ပြီဖြစ်ပါတယ်။ Q Series အသစ်မှာတော့ LG Q6, LG Q6+ နဲ့ LG Q6a ဆိုပြီး Variant သုံးမျိုးနဲ့ထွက်ရှိလာမှာပါ။
LG ကနေပြီးတော့ ဒီ Q Series တွေကို Flagship ဖြစ်တဲ့ G Series တွေလိုမျိုး Features အချို့ကို စျေးသက်သက်သာသာနဲ့ ၀ယ်ယူအသုံးပြုနိုင်အောင် ထုတ်လုပ်ပေးရခြင်းဖြစ်တယ်လို့ဆိုပါတယ်။ ပထမဦးဆုံးအနေနဲ့ ဒီ LG Q Series တွေမှာ သတိထားမိမှာကတော့ Display ပဲဖြစ်ပါတယ်။ LG Q Series စမတ်ဖုန်းတွေမှာ ဘေးဘောင်ပါးလွှာနေအောင် ပြုလုပ်ထားတာကိုတွေ့မြင်ရမှာမို့လို့ သာမန် Mid-Range စမတ်ဖုန်းတွေကြားထဲမှာတော့ ဒီဇိုင်းအဆန်းဆုံးနဲ့ တွေ့မြင်ရမှာပါ။
ဒါ့အပြင် Model သုံးခုစလုံးမှာ 5.5 လက်မ မျက်နှာပြင်အကျယ်အ၀န်းရှိပြီး FHD+ Display Resolution ထောက်ပံ့ပေးနိုင်တဲ့အပြင် 18.5:9 Display Ratio ကိုလည်းထောက်ပံ့ပေးနိုင်တဲ့ “FullVision” Display ပါ၀င်လာမှာဖြစ်ပါတယ်။ FullVision Display ကို LG G6 မှာလည်း အသုံးပြုထားပြီး မျက်နှာပြင်အကျယ်အ၀န်းအနေနဲ့ကတော့ LG G6 က 0.2 လက်မ ပိုမိုကျယ်၀န်းပါတယ်။ ဒီ LG Q Series စမတ်ဖုန်းသုံးမျိုးစလုံးမှာတော့ Android O မတိုင်ခင် နောက်ဆုံးထွက်ရှိထားတဲ့ Android 7.1.1 (Nougat) ပါ၀င်လာဦးမှာဖြစ်ပါတယ်။
ဒါပေမဲ့လည်း ဒီ Q Series တွေမှာ Dual-Camera နဲ့ Fingerprint Scanner တွေပါ၀င်လာမှာမဟုတ်တာကြောင့် အားရစရာသိပ်မကောင်းလှပါဘူး။ Q6, Q6+ နဲ့ Q6a တို့မှာ RAM နဲ့ Internal Storage ပဲကွာခြားသွားပြီး တခြားထူးထူးခြားခြား ဘာမှမကွာသွားပါဘူး။ Q6 အနေနဲ့ RAM 3GB/Internal Storage 32GB, Q6+ အနေနဲ့ RAM 4GB/Internal Storage 64GB, Q6a (or) Q6 Alpha အနေနဲ့ RAM 2GB/Internal Storage 16GB အသီးသီးပါ၀င်လာမှာဖြစ်ပါတယ်။ Processor အနေနဲ့တော့ Qualcomm Snapdragon 435 ကိုပဲ သုံးမျိုးစလုံးမှာ အသုံးပြုထားကိုတွေ့ရမှာပါ။
LG ကြိုက်တဲ့သူတွေအတွက်တော့ ဒီ Mid-Range စမတ်ဖုန်းလေးတွေဟာ မဆိုးဘူးလို့ ပြောလို့ရပေမဲ့ Snapdragon 435 SoC ကိုအသုံးပြုထားပြီး Fingerprint Scanner မပါ၀င်လာတဲ့အတွက် အခုခေတ် Mid-Range စမတ်ဖုန်းတွေကြားထဲမှာတော့ အရမ်းကြီး Popular ဖြစ်မယ်လို့မထင်ပါဘူး။ ဒီစမတ်ဖုန်းတွေရဲ့ စျေးနှုန်းကိုလည်း လတ်တလောမှာတော့ မသိရှိရသေးပါဘူး။ အသေးစိတ် Specifications အချို့ကိုတော့ သိရှိရသလောက် အောက်မှာဖော်ပြပေးထားပါတယ်။
| Type | Specifications |
|---|---|
| Display | 5.5" 2160 x 1080; 442 ppi |
| Software | Android 7.1.1 Nougat |
| CPU | Snapdragon 435 |
| RAM | 4GB (Plus)/3GB (Q6)/2GB (Alpha) |
| Storage | 64GB (Plus)/32GB (Q6)/16GB (Alpha) |
| Cameras | 13MP rear, 5MP wide-angle front |
| Battery | 3,000mAh |
| Connectivity | Wi-Fi 802.11 b/g/n, Bluetooth 4.2, NFC |
| Measurements | 142.5 x 69.3 x 8.1mm; 149 g |
| Colors | Plus: Astro Black, Ice Platinum, Marine Blue; Q6: Astro Black, Ice Platinum, Mystic White, Terra Gold; Alpha: Astro Black, Ice Platinum, Terra Gold |
Join Us On