တရုတ်အခြေစိုက် ဖုန်းကုမ္မဏီတစ်ခုဖြစ်တဲ့ ZTE Company က သူတို့ရဲ့ Flagship Series ဖုန်းအမျိုးအစားထဲမှာ တစ်ခုအပါအဝင်ဖြစ်လာမယ့် ZTE Nubia Z17 ကို ထုတ်ဖော်ပြသခဲ့ပါတယ်။ ZTE Nubia Z17 ဟာ Qualcomm Snapdragon 835 Chipset နဲ့ RAM 8GB အပြင် Storage 128GB ပါဝင်တဲ့အတွက် လက်ရှိစွမ်းဆောင်ရည်အမြင့်ဆုံးဖုန်းတစ်ခုဖြစ်လာခဲ့ပါတယ်။ ဒါ့အပြင် ZTE Nubia Z17 ဟာ Full HD Bezel-less Display ကိုပါ အသုံးပြုထားတာကြောင့်၊ Design ပိုင်းကလည်း စွဲမက်စရာပါပဲ။

                ZTE Nubia Z17 ဟာ တရုတ်နိုင်ငံမှာ Xiaomi Mi6 ပြီးရင် ဒုတိယမြောက် Snapdragon 835 Chipset ကို သုံးနိုင်တဲ့ဖုန်းဖြစ်လာပါတယ်။ Camera ပိုင်းလည်း အထူးကောင်းမွန်ပြီးတော့ 2× optical zoom နဲ့ 10x Dynamic zoom ကို Support ပြုလုပ်တဲ့ 23MP + 12MP Dual Back Camera ပါဝင်ပြီးတော့ အရှေ့ Selfie Camera ကတော့ 16MP 80-degree wide-angle lens ပါဝင်မှာဖြစ်ပါတယ်။ 

                Nubia Z17 ဖုန်းဟာ Android 7.1.1 Nougat ကို Nubia UI 5.0 နဲ့ အသုံးပြုရမှာဖြစ်ပြီး တစ်ခါအားသွင်းရုံနဲ့ ZTE Nubia Z17 ရဲ့ 3200mAh Battery ကို ၂ ရက်အထိ အသုံးခံစေမယ့် NeoPower 3.0 Feature လည်း ပါဝင်မှာပါ။ ZTE Nubia Z17 ဟာ ပထမဆုံး Qualcomm ရဲ့ Quick Charge 4.0 ပါဝင်တဲ့ဖုန်းဖြစ်ပြီး 0% ကနေ 50% ကို အားသွင်းဖို့ ၂၅ မိနစ်ပဲ ကြာမှာဖြစ်ပါတယ်။

                ZTE Nubia Z17 မှာ Dolby Atmos speaker, IR Blaster နဲ့ ရေအနက် ၁ မီတာမှာ နာရီဝက်အထိရေစိမ်ခံတဲ့ IP 67 Protection လည်းပါဝင်မှာဖြစ်ပါတယ်။ 3.5mm Headphone jack တော့ ပါဝင်တော့မှာမဟုတ်ပါဘူး။ USB Type-C နဲ့ ဖြစ်ပြီး၊ Fingerprint senor ကတော့ ဖုန်းနောက်ကျောဘက်မှာပါ။ 

                ZTE Nubia Z17 ကို Black and Gold, Black, Gold, Red နဲ့ Blue ဆိူပြီး အရောင်မျိုးစုံဝယ်ယူနိုင်မှာဖြစ်ပြီး 6 GB RAM + 64 GB ကို CNY2,799 ($411), 6 GB RAM + 128 GB storage ကို CNY3,399 ($499) ဖြင့်ရောင်းချမှာဖြစ်ပြီး အမြင့်ဆုံးမော်ဒယ်ဖြစ်တဲ့ 8 GB RAM + 128 GB Version ကိုတော့ CNY3,999 ($583) နဲ့ ရောင်းချသွားမှာဖြစ်ပါတယ်။