Samsung Galaxy S8  မှာ Rapid Charging Features တွေနဲ့အတူ Adaptive Fast Charger တစ်ခုလည်းပါ၀င်လာပါတယ်။ Fast Cable Charging Feature ကို S8 မှာဆိုရင် Settings ထဲက Device maintenance > Battery > Advanced Settings ထဲမှာ အဖွင့်/အပိတ် ပြုလုပ်လို့ရပါသေးတယ်။ ဒီ Feature ကိုဖွင့်လိုက်ပြီဆိုတာနဲ့ S8 နဲ့အတူ ပါ၀င်လာတဲ့ Adaptive Fast Charger ဒါမှမဟုတ် Qualcomm Quick Charge 2.0 Charger နဲ့ အားသွင်းမယ်ဆို 0% ကနေ 100% ထိအားသွင်းဖို့ကို ခန့်မှန်းခြေ နှစ်နာရီလောက်ပဲ ကြာမြင့်မှာပါ။

                ဒါပေမဲ့လည်း Galaxy S8 လေးဟာ Screen On ပြီးအားသွင်းမယ်ဆိုရင် Fast Charging ဟာအလုပ်မလုပ်ပါဘူး။ ဒီအားနည်းချက်ကို ထောက်ပြခဲ့တာကတော့ Phandroid Community က Chris Chavez ပဲဖြစ်ပါတယ်။ (သူ့ရဲ့အသေးစိတ်ရှင်းပြချက်ကိုတော့ ဒီ Link မှာ၀င်ရောက်ကြည့်ရှုနိုင်ပါတယ်။) သူဟာ Galaxy S8 ရဲ့ Fast Charging ကို Screen ဖွင့်ပြီးစမ်းသပ်ခဲ့ရာမှာ 0% ကနေ 100% ထိပြည့်ဖို့ အချိန် ၂ နာရီနဲ့ ၅၁ မိနစ်ကြာမြင့်ခဲ့တယ်လို့ဆိုပါတယ်။

                ZTE Blade V8 Pro (3,140 mAh battery နဲ့အတူ Quick Charge 2.0 ပါတဲ့) ဖုန်းနဲ့ နှိုင်းယှဉ်ကြည့်တဲ့အခါမှာ YouTube ဖွင့်ထားရင်းနဲ့ပဲအားသွင်းခဲ့တာ 0% ကနေ 100% ထိကို အချိန် ၁ နာရီနဲ့ ၃၂ မိနစ်ခန့်ပဲကြာမြင့်ခဲ့ပါတယ်။ Galaxy S8 မှာတော့ Battery ပမာဏ 3,000 mAh သာပါ၀င်ပြီး ကြာမြင့်ချိန်ဟာ ZTE Blade ထက်နှစ်ဆနီးပါး မြင့်တက်နေခဲ့တာကို တွေ့ရမှာပါ။  (ကိုယ်တိုင်လည်းစမ်းသပ်ချင်တယ်ဆိုရင်တော့ Settings > About Phone ထဲက Build Number ဆိုတဲ့နေရာကို ခုနှစ်ချက်ဆက်တိုက်ခေါက်ပြီး Developer options ကိုဖွင့်၊ ပြီးတာနဲ့ Settings > Developer Options ထဲမှာ Stay Awake ဆိုတာလေးကို On ပေးလိုက်ပြီး စမ်းကြည့်နိုင်ပါသေးတယ်။)

                ဒါပေမဲ့လည်း Fast Charging ဟာလုံး၀အလုပ်မလုပ်တာတော့ မဟုတ်ပါဘူး။ Galaxy S8 ဖုန်းပိုင်ရှင်တွေအနေနဲ့ကတော့ အပြင်သွားစရာရှိတာပဲဖြစ်ဖြစ်၊ အလျင်လိုနေတာပဲဖြစ်ဖြစ် အခြေအနေတစ်ခုခုကြောင့် ဖုန်းကိုအလျင်အမြန်အားပြည့်စေချင်ရင် Screen ပိတ်ပြီးသာ အားသွင်းကြိုးထိုးထားပေးဖို့ အကြံပြုပါတယ်။