StatCounter ကနေရရှိတဲ့ Data တွေအရ Android က Windows ကိုကျော်တက်ပြီး ကမ္ဘာ့ Popular အဖြစ်ဆုံး OS ဖြစ်သွားတယ်လို့ သိရှိရပါတယ်။ Windows OS ကို အသုံးပြုမှု ရာခိုင်နှုန်းက ကမ္ဘာ့ Internet အသုံးပြုသူအားလုံးရဲ့ ၃၇.၉၁% ဖြစ်ပြီး Android ဟာ ရာခိုင်နှုန်းနည်းနည်းလေးနဲ့ ကျော်တက်သွားတာ ဖြစ်ပါတယ်။

                Android ကို အသုံးပြုသူဟာ အခုအချိန်မှာဆိုရင် ကမ္ဘာ့ Internet အသုံးပြုသူအားလုံးရဲ့ ၃၇.၉၃% ရှိနေပြီ ဖြစ်ပါတယ်။ StatCounter ရဲ့ CEO Aodhan Cullen က 

“အခုလိုမျိုး Android က Windows ကိုကျော်တက်နိုင်ခဲ့ပြီး ကမ္ဘာ့ Popular အဖြစ်ဆုံး OS ဖြစ်သွားတာဟာ နည်းပညာသမိုင်းမှာ မိုင်တိုင်တစ်ခုအနေနဲ့ သတ်မှတ်ရမှာပါ။ ဘာဖြစ်လို့လဲဆိုတော့ OS များအားလုံးရဲ့ဘုရင်၊ ၁၉၈၀ ခုနှစ်ထဲကစပြီး OS တွေအားလုံးကို အုပ်စိုးမင်းမူခဲ့တဲ့ Windows ကို Android က နန်းချနိုင်ခဲ့လို့ပါ။ ဒါဟာ လွန်ခဲ့တဲ့ ၅ နှစ်လောက်တုန်းက ကမ္ဘာ့ Internet အသုံးပြုသူအားလုံးရဲ့ ၂.၄% ကိုသာ အုပ်စိုးနိုင်ခဲ့တဲ့ Android အတွက်ကတော့ အကယ့်ကိုကြီးမားတဲ့ ထိုးဖောက်ကျော်လွှားမှုတစ်ခုပါပဲ”

လို့ ပြောကြားသွားပါတယ်။

                ဒါပေမယ့် StatCounter က ထုတ်ပြန်ထားတဲ့ Data မှာ အမှားတစ်ခုရှိနေပါတယ်။ ဘာလို့လဲဆိုတော့ StatCounter က ဝန်ထမ်းတွေဟာ Internet ချိတ်ဆက်အသုံးပြုနေတဲ့ ကမ္ဘာ့လူဦးရေထဲကမှ ရှိသမျှ OS တွေအားလုံးအတွက် ရာခိုင်နှုန်းပြန်ခွဲတာကြောင့် ဖြစ်ပါတယ်။

                PC မှာကတော့ Windows က ဘုရင်ပါပဲ။ Desktop ပဲဖြစ်ဖြစ်၊ Laptop ပဲဖြစ်ဖြစ် Windows ပဲတင်ထားတာများပါတယ်။ ကမ္ဘာပေါ်မှာ ကွန်ပျူတာအသုံးပြုသူအားလုံးရဲ့ ၈၄% ကို Windows ကပဲ မင်းမူထားဆဲဖြစ်ပါတယ်။

ဒီကိစ္စနဲ့ပက်သက်ပြီး Aodhan Cullen က

“PC မှာတော့ Windows က ဘုရင်ပဲဆိုတာ ငြင်းလို့မရပါဘူး။ ဒါကိုလူတိုင်းသိပါတယ်။ ဒါပေမယ့် Mobile အတွက်ကတော့ Android က ဘုရင်ပါပဲ။ ဒါပေမယ့် အခုဟာက Battle အစပဲရှိပါသေးတယ်။ အခု Android နိုင်သွားပေမယ့် Microsoft ဘက်က ဘယ်လိုတုန့်ပြန်မလဲဆိုတာကတော့ စောင့်ကြည့်ရမှာပါပဲ”

လို့ ထပ်မံပြောကြားသွားပါတယ်။