နည်းပညာခေတ်ကြီးမှာ ကြီးပြင်းလာကြတဲ့ လူငယ်တွေရဲ့ နည်းပညာနဲ့ထိတွေ့မှုဟာ တစ်နေ့တစ်ခြား ပိုပိုပြီးထိရောက်လာပါတယ်။ ဒါပေမယ့် ဒီလူငယ်တွေအကုန်လုံး နည်းပညာကို အကျိုးပြုမယ့်လူငယ်တွေ ဖြစ်မလာပါဘူး။ တစ်ချို့က နည်းပညာကို အကျိုးပေးနိုင်မယ့် လမ်းကိုရွေးချယ်ကြပေမယ့်၊ တစ်ချို့ကတော့ လမ်းမှားကိုရွေးချယ်ကြပါတယ်။

                Hacker တိုင်းကိုတော့ လမ်းမှာရောက်နေတယ်လို့ မဆိုလိုပါဘူး။ Cyber Security ကို ပိုမိုလုံခြုံအောင် လုပ်ပေးနေတဲ့ White-hat Hacker တွေလည်းရှိသလို၊ အကြောင်းအရင်း ခိုင်ခိုင်လုံလုံမရှိပဲ Cyber Laws တွေကိုချိုးဖောက်ပြီး Hack ချင်တိုင်း Hack နေကြတဲ့ Black-hat Hacker တွေလည်း ရှိပါတယ်။

                ဒီလိုမျိုး လမ်းရွေးမှားကြလို့လည်း Hack လုပ်ခံရတဲ့ Website အရေအတွက်ဟာ တစ်နေ့တစ်ခြား တိုးပွားလာပါတယ်။ Google ရဲ့ အဆိုအရ Hack လုပ်ခံရတဲ့ Website ဟာ ၂၀၁၆ ခုနှစ်မှာ ၃၂% အထိ တိုးပွားလာခဲ့တယ်လို့ သိရှိရပါတယ်။

ဒီကိစ္စနဲ့ပက်သက်ပြီး Google က သူတို့ရဲ့ Webmaster Blog မှာ

“Web Technology ဟာ တစ်နေ့တစ်ခြား တိုးတက်ပြောင်းလဲနေပေမယ့် တစ်ချို့ Website တွေဟာ Outdated ဖြစ်နေပြီး ဒီလိုမျိုး Website တွေဟာ Black-hat Hacker တွေအတွက်ကတော့ လက်တည့်စမ်းစရာ ကစားစရာလေးတွေလို ဖြစ်နေပါတယ်။ ဒီအချက်ကြောင့်လည်း Hack အလုပ်ခံရတဲ့ Website အရေအတွက်ဟာလည်း တစ်နေ့တစ်ခြား တိုးပွားလာနေပြီး အရေအတွက် ကျဆင်းသွားဖို့တော့ လမ်းမမြင်ပါဘူး။”

လို့ ရေးသားထားပါတယ်။

                Website တစ်ခု Attack လုပ်ခံရပြီဆိုရင် Google က Warning ပေးပါတယ်။ ၆၁% အရေအတွက်ရှိတဲ့ Website တွေဟာ Google Search Engine မှာ စာရင်းပေးသွင်းထားခြင်း မရှိတာကြောင့် Warning မရရှိပဲ Data အချက်အလက်တွေ ဆုံးရှံးရပါတယ်။ တစ်ချို့ Warning ပေးခံရတဲ့ Website တွေကတော့ Data တွေကို အချိန်မှီပြန်လည် ကယ်တင်နိုင်ခဲ့ပါတယ်။

ဒီကိစ္စနဲ့ ပက်သက်ပြီး Google က သူတို့ရဲ့ Webmaster Blog မှာ

“ကြိုတင်ကာကွယ်ခြင်းက ကုသခြင်းထက် ထိရောက်ပါတယ်။ အားနည်းချက်တစ်ခုကြောင့်ပဲ ကိုယ်ဖန်တီးထားတဲ့ အရာတစ်ခု လဲပြိုသွားနိုင်တယ်ဆိုတာကို မှတ်ထားပါ။ Hacking လုပ်တဲ့စတိုင်ဟာလည်း တစ်နေ့တစ်ခြား ဆန်းသစ်ပြောင်းလဲသာသလို၊ ကျနော်တို့ဘက်ကလည်း ကာကွယ်ဖို့ မောင်းတင်ထားပြီးသားပါ”

လို့ လည်းရေးသားထားပါသေးတယ်။