Google က Mountain View မြို့မှာ ဆောက်လုပ်ဖို့စီစဉ်ထားတဲ့ Campus အသစ်ဟာ ၁၈ ဧက ကျယ်ဝန်းမှာဖြစ်ပြီး၊ Heatherwick Studio နဲ့ Bjarke Ingles Group တို့ပူးပေါင်း ဒီဇိုင်းရေးဆွဲထားတဲ့ စတုရန်းပေ ၅၉၅,၀၀၀ ကျယ်ဝန်းတဲ့ အဆောက်အဦးလည်း ပါဝင်မှာဖြစ်ပါတယ်။

                ဒီ Campus အသစ်ကို Google က “Google Charleston East” လို့နာမည်ပေးထားပါတယ်။ အဆောက်အဦးပုံစံဟာ အပေါ်စီးကနေကြည့်ရင် ရွက်ဖျင်တဲလေးတွေ စုထားတဲ့ပုံစံမျိုးဖြစ်ပြီး အမိုးကလည်း ရွက်ဖျင်တဲရဲ့အမိုး ပုံစံဖြစ်ပါတယ်။ 

                ဒီအဆောက်အဦးကို မိုးထားတဲ့အမိုးတွေဟာ ရွက်ဖျင်တဲရဲ့အမိုးလို ဖြစ်နေပေမယ့် ဒီအမိုးတွေဟာ နေရောင်ခြည်စွမ်းအင်ကို စုပ်ယူပြီးလျှပ်စစ်ဓါတ်အား ထုတ်လွှတ်ပေးမယ့် Solar ပြားတွေဖြစ်ပါတယ်။ Google က သူတို့ရဲ့ Campus တွေရဲ့ ဒီဇိုင်းပိုင်းနဲ့ အမြင်ပိုင်းကို အရင်ကအခုလောက်ထိ အရေးမပေးခဲ့ပါဘူး။ ဒါပေမယ့် အခု Campus ရဲ့ ဒီဇိုင်းပိုင်းကိုတော့ သေသေချာချာလုပ်ထားတာကို မြင်တွေ့ရပါတယ်။

                ဒီ Campus ဆောက်လုပ်ခွင့်ပြုဖို့အတွက် Mountain View မြို့က တာဝန်ရှိသူတွေဟာ တစ်ယောက်မှမကန့်ကွက်ခဲ့ကြတဲ့အပြင်၊ ဘယ်သူမှလည်း အစည်းအဝေးကို မလာကြပါဘူးတဲ့။ ကောလဟာက အရကတော့ Google က Mountain View မြို့မှာ ကြိုက်တာလုပ်ခွင့်ရှိတယ် လို့လည်းဆိုကြပါတယ်။

                အောက်မှာတော့ အသစ်ဆောက်လုပ်တော့မယ့် Google ရဲ့ “Google Charleston East” ဆိုတဲ့ အဆောက်အပုံစံကို ဓာတ်ပုံများနှင့်တကွ ပြသလိုက်ပါတယ်။