Google Play Store မှာ ဂိမ်းတွေ Develop လုပ်ပြီးရောင်းချနေတဲ့ Developer တွေဟာ များမကြာမီအချိန်အတွင်းမှာ သူတို့ Develop လုပ်ထားတဲ့ဂိမ်းတွေကို Player တွေအစမ်းဆော့ကြည့်လို့ရအောင် “Playables” လို့ခေါ်တဲ့ ကြော်ငြာပုံစံတစ်ခုနဲ့ ပြုလုပ်နိုင်တော့မှာဖြစ်တယ်လို့ Google က GDC 2017 မှာကြေငြာလိုက်ပါတယ်။

“ဒီလိုလုပ်ပေးလိုက်တာဟာ Player တွေအတွက် တော်တော်ကြီးကောင်းသွားပါတယ်။ Developer တွေအတွက်ကောပေါ့နော်။ ဘာလို့လဲဆိုတော့ စွဲစွဲမြဲမြဲဆော့မယ့်သူတွေကို ဆွဲခေါ်လို့ရသွားပြီလေ။”

လို့ Google ရဲ့ Mobile ကြော်ငြာနှင့် ထုတ်ကုန်စီမံခန့်ခွဲရေး ဒါရိုက်တာ Sissie Hsiao က ပြောသွားပါတယ်။

သူကပဲဆက်လက်ပြီး

“အရင်ကဆိုရင် Developer တွေက Google Play Store Chart မှာ ထိပ်ဆုံးရောက်ဖို့ပဲ ကြိုးစားကြပါတယ်။ ထိပ်ဆုံးမှာရှိနေတဲ့ ဂိမ်းတွေဆိုရင်အလွယ်တကူ ရှာလို့လည်းရတယ်၊ Player တွေလည်း ပိုဆော့ချင်ကြတယ်ပေါ့။ အခုကျတော့ Player တွေက သူတို့ဆော့နေကြဂိမ်းကိုပဲ​ နာမည်နဲ့တိုက်ရိုက် ရှာကြပါတော့တယ်။”

လို့ပြောခဲ့ပါတယ်။

Google ရဲ့ “Playables” ဟာ များမကြာမီလတွေအတွင်း ထွက်ရှိလာနိုင်ပြီး၊ HTML 5 နဲ့လည်း Compatible ဖြစ်ပါတယ်။