Apple အနေနဲ့ Apple Support လို့ခေါ်တဲ့ YouTube Channel တစ်ခုကို အောက်တိုဘာလ ၅ ရက်နေ့ထဲက တိတ်တဆိတ် Register လုပ်ထားခဲ့တာ ဖြစ်ပေမယ့် အရင်ဆုံး Reddit မှာ သတင်းတွေ ပလူပျံနေခဲ့ပြီးမှ လူသိများလာခဲ့တာ ဖြစ်ပါတယ်။

                အခု YouTube Channel ရဲ့ About မှာတော့ “Tips, tricks, and how-tos - straight from Apple.” လို့ ရေးသားထားပါတယ်။ About မှာ ရေးထားတဲ့အတိုင်းပါပဲ။ Apple Device တွေနဲ့ ပက်သက်တဲ့ Tips and Tricks တွေကို Apple က How-To Video တွေ အနေနဲ့ တင်ဆက်ပေးသွားမှာ ဖြစ်ပါတယ်။

                အခုလောလောဆယ်မှာတော့

1. How to shoot on iPhone
2. iPad + iOS 11 How-Tos
3. Apple Pay
4. Apple Support FAQs

စတဲ့ Playlists ၄ ခုကို တွေ့ရပါတယ်။ နောက်ကျရင်တော့ Mac အကြောင်းတွေပါ တင်ဆက်ပေးလိမ့်မယ်လို့ ခန့်မှန်းရပါတယ်။

                How-Tos Video လေးတွေက တိုတိုနဲ့ လိုရင်းရောက်တဲ့ ဗီဒီယိုလေးတွေဖြစ်ပြီး ကြာချိန်ကလည်း ၁ မိနစ်နဲ့ ၂ မိနစ် ကြားမှာပဲ ရှိပါတယ်။ iOS အသုံးပြုသူတွေ အနေနဲ့ အခု Apple Channel ကို သွားရောက်ပြီး iOS နဲ့ ပက်သက်ပြီး မိမိ မသိတာလေးတွေ ရှိနေရင် သွားရောက်ကြည့်ရှုနိုင်တော့မှာ ဖြစ်ပါတယ်။