Gionee ကုမ္ပဏီကနေ သူတို့ ကြိုတင်ပြောကြားထားတဲ့အတိုင်း 18:9 Ratio FullVision Display ပါဝင်တဲ့ Gionee M7 Smartphone အသစ်ကို ထုတ်ပြန်ကြေငြာလိုက်ပြီပဲ ဖြစ်ပါတယ်။



                အဆိုပါ Gionee M7 ဖုန်းမှာဆိုရင် Mediatek Helio P30 Octa-Core 2.3Ghz ပါဝင်ပြီး RAM 6GB နဲ့ 64GB Internal Storage ပါဝင်တဲ့အတွက် အမြင့်ပိုင်းဖုန်းလို့တောင် သတ်မှတ်လို့ရမှာပါ ။ နောက်ပြီး MicroSD Card ထပ်စိုက်ချင်တယ်ဆိုရင်လည်း 256GB အထိ ထပ်တိုးနိုင်မှာ ဖြစ်ပါတယ်။

                Gionee M7 ရဲ့ ထူးခြားတဲ့အချက်ကတော့ လက်ရှိ Flagship ဖုန်းတွေမှာလိုပဲ 6.01" 18:9 Ratio FullVision Display ပါဝင်တာပဲ ဖြစ်ပါတယ်။ Resolution အနေနဲ့လည်း 2160 × 1080 Pixels ရှိတဲ့အတွက် မဆိုးဘူးလို့ ပြောနိုင်မှာပါ။ 

ဖုန်းရဲ့နောက်ကျောဘက်မှာတော့ Fingerprint Sensor ရှိနေမှာဖြစ်ပြီး Dual Camera လည်း ပါဝင်ဦးမှာဖြစ်ပါတယ်။

                အနောက်မှာ ပါဝင်တဲ့ Dual Camera ဟာဆိုရင် 16 MP Primary Lens နဲ့ 8 MP Secondary Lens တပ်ဆင်ထားတာဖြစ်ပြီး အရှေ့ဘက် Selfie Camera ကလည်း 8 MP ပါဝင်ဦးမှာ ဖြစ်ပါတယ်။ 

နောက်ထပ် Battery ကလည်း 4000mAh ပါဝင်တဲ့အတွက် အဆင်ပြေတယ်လို့ သတ်မှတ်နိုင်မှာပါ။ 

                Gionee M7 Smartphone ကို Sapphire Blue, Star Blue, Maple Red, Champagne Gold နဲ့ Black ဆိုပြီး အရောင် ၅ ရောင်နဲ့ ဝယ်ယူရရှိနိုင်မှာဖြစ်ပြီး ဈေးနှုန်းအနေနဲ့တော့ 2,799 Yuan ( မြန်မာငွေကျပ် ၅ သိန်းခွဲဝန်းကျင်) နဲ့ စက်တင်ဘာ ၂၆ ရက်နေ့ကစတင်ပြီး ရောင်းချသွားမယ်လို့ သိရပါတယ်။