Vivo ကနေ သူရဲ့ V Series ဖုန်းတွေထဲမှာ အကောင်းဆုံးဖြစ်လာလောက်တဲ့ Vivo V7+ Smartphone ကို လာမယ် စက်တင်ဘာလ ၇ ရက်နေ့မှာ ကြေငြာသွားမယ်လို့ Teaser Image နှင့်တကွ ထုတ်ပြန်လိုက်ပါတယ်။ 

                Teaser Image အရ Vivo V7+ ဖုန်းဟာ Samsung ရဲ့ Infinity Display လိုမျိုးပဲ ဘေးဘောင်တွေမပါဝင်တော့တဲ့ Bezel-less ဖုန်းတစ်လုံးဖြစ်လာမယ်လို့ ခန့်မှန်းရပါတယ်။ 

                Teaser Image မှာ နောက်ထပ် “Clear Shot. Clear Moment”, “Get ready to capture" နဲ့ “Redefine the selfie experience with the revolutionary selfie camera” လို့ရေးသားထားတဲ့အတွက် Vivo V7+ ဖုန်းဟာ ထုံးစံအတိုင်း ကင်မရာကိုလည်း တော်တော်လေးကို အသားပေးထားမယ့်ဖုန်းလို့ ပြောလို့ရပါတယ်။ 

                လက်ရှိထွက်ရှိထားတဲ့ ကောလဟာလတွေအရတော့ Vivo V7+ ဟာ 5.5" Full HD Super AMOLED Display ပါဝင်လာမှာဖြစ်ပြီး Qualcomm Snapdragon 660 CPU နဲ့ အတူ 6GB RAM ပါဝင်လာမယ်လို့ သိရပါတယ်။ Storage ကိုလည်း 128GB အထိရွေးချယ်နိုင်ပြီး Battery ကတော့ 3500mAh Battery ပဲ ပါဝင်မယ်လို့ ခန့်မှန်းရပါတယ်။