Instagram ဟာ ပြီးခဲ့တဲ့ရက်ပိုင်းတုန်းက Comment တစ်ခုချင်းစီကို လိုက်ပြီး Reply ပြန်နိုင်တဲ့ Comment Threads Feature ကိုထည့်သွင်းပေးခဲ့ပြီး ယခုအကြိမ်မှာလည်း နောက်ထပ် Feature တစ်ခုကို ထည့်သွင်းပေးလိုက်ပါတယ်။ 

                အဲ့ဒါကတော့ Instagram Direct Message ကနေ ပေးပို့လာတဲ့ ဓါတ်ပုံ၊ ဗီဒီယိုတွေနဲ့ Posts တွေကို ပြန်ပြီး ဓါတ်ပုံ၊ ဗီဒီယိုတွေနဲ့ Reply ပြန်လို့ရတဲ့ Feature ပဲဖြစ်ပါတယ်။ ပိုပြီးကောင်းတာကတော့ ကိုယ် Reply ပြန်မယ့် ဓါတ်ပုံ ဒါမှမဟုတ် Sticker ကိုပါ ထည့်သွင်းနိုင်ပြီး Dongle နဲ့ ပုံမှာ စာရေးလို့ရတာပဲဖြစ်ပါတယ်။ ဒါမှမဟုတ် Instagram Effect တွေကိုလည်း ထည့်သွင်းနိုင်မှာဖြစ်ပါတယ်။ 

                အခုလို Instagram က Features အသစ်တွေကို အမြဲထည့်သွင်းနေတာက သူ့ရဲ့ ပြိုင်ဘက်တစ်ခုဖြစ်တဲ့ Snapchat ကိုအသုံးပြုသူတွေ Instagram ပြောင်းသုံးအောင် ပြုလုပ်နေတာဖြစ်နိုင်ပြီး၊ နောက်ထပ် ဘယ်လို Features တွေထပ်ပြီး ပါဝင်လာမလဲဆိုတာကတော့ ဆက်ပြီး စောင့်ကြည့်ရမှာဖြစ်ပါတယ်။