သိပ်မကြာသေးမီက Ubisoft ကနေ Far Cry 5 ကိုအတည်ပြု လိုက်ပြီးတဲ့နောက် မှာ အခုအခါမှာတော့ ဖေဖော်ဝါရီ ၂၇ ရက်၊ ၂၀၁၈ မှာထွက်မယ်လို့ တရား၀င်ကြေညာ လိုက်ပြီဖြစ်ပါတယ်။  Far Cry 5 ကို PC ၊ PS4 နဲ့အတူ Xbox One မှာပါ တွေ့မြင်ရမှာပဲ ဖြစ်ပါတယ်။ Far Cry 5 ကို Editions သုံးမျိုးနဲ့ အတူ ထွက်ရှိလာမှာပါ။

Far Cry 5 Editions များ

Far Cry 5 Standard Edition - နာမည်မှာ ပြောထားတဲ့ အတိုင်းပဲ Far Cry 5 ဂိမ်းပဲပါ၀င် လာမှာဖြစ်ပြီး Pre-order မှာယူမယ်ဆိုပါက Doomsday Prepper Pack နဲ့အတူ Prepper ၀တ်စုံတွေ၊ သေနတ်တွေ၊ ယာဉ်တွေအတွက် Skins နဲ့အတူ တခြား Consumables Item တွေလည်းပါ၀င်လာမှာပါ။ စျေးနှုန်းကိုတော့ USD $60 လို့သတ်မှတ်ထားပါတယ်။

Far Cry 5 Deluxe Edition – Deluxe Edition မှာဆိုရင်တော့ Game အပြင် အခြား Big Game Hunter Pack ၊ Ace Pilot Pack ၊ Chaos Pack ၊ Explosive Pack ၊ Hope Country မြေပုံနဲ့အတူ OST (Original Sound Track) တွေပါ အတူပါ၀င်လာမှာပဲဖြစ်ပါတယ်။ စျေးနှုန်းကိုတော့ USD $70 လို့သတ်မှတ်ထားပါတယ်။

Far Cry 5 Gold Edition – Deluxe Edition အတိုင်းအကုန်ပါ၀င်မယ့်အပြင် Far Cry 5 Season Pass နဲ့အတူ Steel စာအုပ် Cover ပါ၀င်လာမှာဖြစ်ပါတယ်။ ကျသင့်မယ့်စျေးနှုန်းကတော့ USD $100 သတ်မှတ်ထား ပါတယ်။

                ခန့်မှန်းထားတဲ့အတိုင်း ၂၀၁၈ ခုနှစ်မှ Ubisoft မှ Far Cry 5 ကို ထုတ်လုပ်မှာမို့လို့ ဆော့ချင်တဲ့သူများ အတွက်တော့ အတော်ကြီး စိတ်ရှည်လက်ရှည် စောင့်ဆိုင်းရမှာဦးမှာပါ။