ဒီနေ့ဟာ iPhone 3GS ကို စတင်ရောင်းချခဲ့တဲ့နေ့ ဖြစ်ပါတယ်။ Apple ဟာ iPhone 3GS ကို ၂၀၀၉ ခုနှစ်၊ ဂျွန်လ ၈ ရက်နေ့၊ WWDC 2009 ခုနှစ်မှာ စတင်မိတ်ဆက်ခဲ့တာဖြစ်ပြီး၊ ဂျွန်လ ၁၉ ရက်နေ့မှ US, Canada နဲ့ ဥရောပနိုင်ငံခြောက်နိုင်ငံမှာ စတင်ရောင်းချခဲ့တာဖြစ်ပါတယ်။

                3GS ဟာ ဒီနေ့စံနှုန်းတွေနဲ့ ကြည့်မယ်ဆိုရင်တော့ တန်ဖိုးကြီးဖုန်းတစ်လုံးလို့ ထင်စရာမရှိဘဲ၊ နောက်ခံကိုယ်ထည်က ပလတ်စတစ်အထူကြီးနဲ့ ပါ။ 3.5-inch 480x320 pixel Display ကို အသုံးပြုခဲ့ပြီး၊ Display ကို LG က ထုတ်လုပ်ပေးခဲ့တာဖြစ်ပါတယ်။

                iPhone 3GS ဟာ iPhone 3G ကို Hardware ပိုင်း Upgrade လုပ်ထားတဲ့ မော်ဒယ်တစ်ခုသာဖြစ်ပြီး၊ အရင် 3G ထက် Speed နှစ်ဆ ပိုမြန်လာခဲ့ပါတယ်။ Samsung က ထုတ်ပေးတဲ့ S5PC100 Chip မှာ 6000 MHz ARM-Cortex A8 CPU နဲ့ PowerVR SGX535 GPU တို့ကို အသုံးပြုခဲ့ပြီး၊ 3GS ဟာ SoC (System on a Chip) ပထမဆုံး စတင်အသုံးပြုတဲ့ iPhone အဖြစ်လည်း မှတ်တမ်းဝင်ခဲ့ပါတယ်။ Memory အနေနဲ့ကတော့ 256MB ပဲ ရှိခဲ့ပါတယ်။

                Software Features အသစ်တွေအနေနဲ့ Video Camera, Voice Control နဲ့ Digital Compass တို့ ပါဝင်လာခဲ့ပြီး၊ အဆိုပါ Features တွေကို iPhone 4 မှာလည်း ဆက်လက်အသုံးပြုခဲ့ပါတယ်။

                3GS မှာ ကင်မရာလည်း တော်တော်ပိုကောင်းလာပြီး၊ Autofocus, Auto White Balance နဲ့ Auto Macro တို့ ပါဝင်တဲ့ 3-megapixel ကင်မရာ ပါရှိလာပြီး၊ VGA Video တွေကို ရိုက်ကူးနိုင်ခဲ့ပါတယ်။ Front Camera တော့ မပါဝင်သေးပါဘူး။