အစောပိုင်းကာလ ကွန်ပျုတာထဲကမှ တစ်ခုဖြစ်တဲ့ ENIAC (Electronic Numerical Integrator And Computer) ကို မေလ ၃၁ ရက်၊ ၁၉၄၃ မှာ စ တင်တည်ဆောက်ခဲ့ပါတယ်။ Pennsylvania တက္ကသိုလ် အတွင်းမှာပဲ ဆောက်လုပ်ခဲ့ပြီး United Sates (US) စစ်တပ်မှ ထောက်ပံ့ပေးခဲ့ပါတယ်။ ကုန်ကျစရိတ်ပေါင်း အမေရိကန်ဒေါ်လာ ငါးသိန်းခန့်ကုန်ကျခဲ့ပါတယ်။ 

                ENIAC ကို လျှို့ဝှက်နာမည်အနေနဲ့ “Project PX” လို့လည်းခေါ်ခဲ့ကြပါသေးတယ်။ ဆက်လက်တည်ဆောက်ခွင့် ကိုတော့ June 5 ရက်နေ့မှာ သဘောတူ လက်မှတ်ရေးထိုးခဲ့ပါတယ်။ ENIAC ဟာ သာမန်အခန်းတစ်ခန်းစာ လောက်ကို ကြီးမားပါတယ်။ Octal-based radio tubes တွေနဲ့အလုပ် လုပ်တာကြောင့် ပူလည်းပူပါတယ်။ 

                ENIAC ပေါ်မှာ Programming Operations တွေဖြစ်တဲ့ Looping ပတ်တာတွေ၊ Branches ခွဲတာတွေနဲ့အတူ Subroutines သတ်မှတ်တာတွေ စသည်ဖြင့် Operations တွေကို Program ရေးသားပြီးလုပ်ဆောင်ခိုင်းလို့ရပါတယ်။