iPhone တွေရဲ့ Trademark ဖြစ်တဲ့ Lighting Port တွေကို USB Type-C Port တွေနဲ့ အစားထိုးသွားဖွယ်ရှိတယ်လို့ The Verge ဝဘ်ဆိုဒ်ရဲ့ စာမျက်နှာမှာ ရေးသားထားပါတယ်။

                Mac တွေမှာလည်း USB Type-C Port တွေပဲ သုံးနေပြီဖြစ်တဲ့ Apple ဟာ သူတို့ရဲ့ နောက်ထုတ်လုပ်မယ့် iPhone မျိုးဆက်သစ်တွေမှာလည်း USB Type-C Port တွေကိုပဲသုံးတော့မယ်ဆိုတာ ဖြစ်နိုင်ချေရှိပါတယ်။

                ယခုပြောင်းလဲမှုဟာ iPhone မှာ ပါဝင်မယ့် Port တစ်ခုထဲတင် မဟုတ်ပဲ၊ ကြိုးကိုလည်း USB Type-C ကြိုးကိုပဲ သုံးသွားမှာ ဖြစ်ပါတယ်။ ဆိုလိုရင်းကတော့ ကြိုးရဲ့နှစ်ဖက်လုံးက Connector တွေနှစ်ခုစလုံး USB Type-C Connector တွေပဲ ဖြစ်ကုန်မှာပါ။

                နောက်ပိုင်း ထွက်ရှိလာတဲ့ Device တွေမှာလည်း USB Type-C ကိုပဲ အသုံးပြုလာကြတာကို တွေ့နေရပြီဆိုတော့လည်း Apple ကဒီလိုမျိုး အပြောင်းအလဲ​လုပ်ပစ်မယ်ဆိုတာ အဆန်းကြီးတော့မဟုတ်ပါဘူး။