Huwaei Company ကနေပြီးတော့ Porsche Design Studio နဲ့တွဲဖက်ပြီး ယခင်က Huawei ရဲ့ Flagship ဖုန်းတစ်လုံးဖြစ်တဲ့ Huawei Mate 9 ကို Upgrade လုပ်ထားတဲ့ "Huawei Mate 9 Porsche Design" ကို ထုတ်လုပ်ခဲ့ပါတယ်။ ယခုအချိန်မှာလည်း Huawei နဲ့ Porsche Design studio တို့ပူးပေါင်းပြီး နောက်ထပ် Product တစ်ခုဖြစ်တဲ့ Huawei Smartwatch 2 ကို Porsche Design နဲ့ထွက်ရှိလာမှာဖြစ်ပါတယ်။

                အခုထွက်ရှိလာတဲ့ "Huawei Porsche Design Smartwatch" ဟာ မနှစ်က Mobile World Congress ပွဲမှာပြသသွားခဲ့တဲ့ Huawei Watch 2 Classic ကို အခြေခံထားတာဖြစ်ပြီး အတွင်းပိုင်း Specifications တွေအရတော့ ပြောင်းလဲမှုပြုလုပ်ထားမှာမဟုတ်ပါဘူး။ 

                ဒါပေမယ့် Porsche Design Studio ကနေ အပြင်ပိုင်းကို အမြောက်အများပြန်လည်မွမ်းမံထားပြီးတော့ Ceramic Bezels တွေကို Speedometer Design ပြောင်းလဲပြင်ဆင်ထားပြီး Porsche Design စာတန်းရိုက်နှိပ်ထားတာကိုတွေ့ရမှာဖြစ်ပါတယ်။ Stainless Steel ကိုယ်ထည်ကိုလည်း အမည်းရောင် နဲ့ အနီရောင် ၂ ရောင်ဖြင့်ပြောင်းလဲထားပြီး နာရီလက်ပတ်ကြိုးကိုပါ အမည်းရောင် Leather-Rubber Hybrid ကြိုးကိုမှ အနီရောင်ချူပ်ရိုးကြောင်းတွေနဲ့ ပြောင်းလဲထုတ်လုပ်ထားတာပဲဖြစ်ပါတယ်။ ဒါအပြင့် Huawei Porsche Design Smartwatch မှာ Watch Face အသစ်တစ်ခုကိုပါ ထည့်သွင်းပေးထားမှာဖြစ်ပါတယ်။

                Huawei Porsche Design Smartwatch ကို လက်ရှိအချိန်မှာ Europe နဲ့ UK နိုင်ငံတွေမှာရောင်းချနေပြီဖြစ်ပြီး ဈေးနှုန်းအနေနဲ့ $925 ဝန်းကျင်ရှိမှာဖြစ်ပါတယ်။ အခုလို Huawei နဲ့ Porsche Design Studio ပူးပေါင်းပြီး Luxury Product တွေကို ထုတ်လုပ်တာက အခုတကြိမ်နဲ့ဆိုရင် ဒုတိယအကြိမ်ရှိပြီဖြစ်ပါတယ်။ နောက်ထပ် Huawei P10 ကိုကော Porsche Design Edition နဲ့ ထွက်ရှိလာဦးမလားဆိုတာကတော့ စောင့်ကြည့်ရဦးမှာဖြစ်ပါတယ်။