ကျွန်တော်တို့ Mobile Data အသုံးပြုနေရတဲ့အခါမှာ လိုင်းမကောင်းတာ၊ Data Package နည်းနေတာ၊ ကိုယ်လိုချင်တဲ့ File Download Size ဟာ အရမ်းများလွန်းတာကြောင့် Mobile Data နဲ့ဆွဲဖို့အဆင်မပြေတာ၊ Free Facebook အသုံးပြုနေကြရတဲ့အတွက် Internet Access လိုချင်တဲ့အခါ အဆင်မပြေတာမျိုးတွေ အနည်းနဲ့အများတော့ ကြုံတွေ့ဖူးကြမှာပါ။ အပြင်ရောက်နေတဲ့အခါမှာလည်း Free Wi-Fi တွေအသုံးပြုချင်ပေမဲ့ ဘယ်နေရာမှာရှိတယ်၊ ဘယ်ဆိုင်မှာရတယ်ဆိုတာ အတိအကျမသိတာမျိုးလည်း ရှိပါတယ်။ 

                ဒီလိုအခြေအနေတွေ ကြုံတွေ့ရတဲ့အခါ အဆင်ပြေအောင် Facebook App အတွင်းကပဲ Find Wi-Fi Feature နဲ့ ဘယ်နေရာမှာ Free Wi-Fi Access ရပြီး ဘယ်ဆိုင်မှာတော့ ဘယ်အချိန်အထိရတယ်ဆိုတာကို List View နဲ့ ပြသပေးသွားမှာပါ။ List View နဲ့လည်းကြည့်လို့ရသလို Map နဲ့လည်း Direction ပေးခိုင်းပြီး အနီးဆုံး Wi-Fi Access Point ကိုရှာဖွေခိုင်းလို့ရပါတယ်။

                Facebook ဟာ ကုမ္ပဏီနဲ့ Business အတော်များများရဲ့ Facebook Page တွေမှာရှဲထားတဲ့ Data အရ Free Wi-Fi Access Location တွေကိုစုဆောင်းပေးထားတာပါ။ ဒီ Feature ကိုအသုံးပြုဖို့အတွက် Facebook App ရဲ့  ညာဘက်ဒေါင့်က Menu နေရာမှာ (မိမိ Profile, Friends, Events နဲ့ Saved တွေထားထားတဲ့ နေရာ) Find Wi-Fi ကိုနှိပ်လိုက်ရုံနဲ့ အသုံးပြုလို့ရမှာပါ။

                Find Wi-Fi ဆိုတာ Feature အသစ်တစ်ခုတော့မဟုတ်ပါဘူး။ ဒီ Feature ကို မနှစ်ကတည်းက နိုင်ငံအချို့မှာ အသုံးပြုလို့ရနေခဲ့တာပါ။ အခုအခါမှာတော့ Facebook ကနေ Find Wi-Fi ကို ကမ္ဘာတစ်၀န်းလုံးမှာ အသုံးပြုလို့ရအောင် ပြုလုပ်ပေးတော့မှာမို့လို့ Facebook ရဲ့ စိတ်၀င်စားစရာကောင်းတဲ့ Feature တစ်ခုဖြစ်လာမှာပါ။