Huawei အနေနဲ့ အရင်နှစ်က ထွက်ရှိထားတဲ့ Enjoy 6S ရဲ့ မျိူးဆက်သစ် Mid-Range Smartphone တစ်လုံးဖြစ်တဲ့ Huawei Enjoy 7S ကို ပြီးခဲ့တဲ့ တနင်္လာနေ့က တရုတ်နိုင်ငံမှာ မိတ်ဆက်ခဲ့တယ်လို့ သိရပါတယ်။ Huawei အနေနဲ့ ဒီလ အစောပိုင်းတုန်းကလဲ Mid-Range Smartphone တစ်လုံးဖြစ်တဲ့ Nova 2S ကို မိတ်ဆက်ခဲ့ပါသေးတယ်။

                Huawei Enjoy 7S က Hybrid Dual-SIM (Nano) Smartphone ဖြစ်တာကြောင့် SIM နှစ်ကဒ် ဒါမှမဟုတ် SIM တစ်ကဒ် + microSD တစ်ကဒ် စိုက်လို့ရပါတယ်။ Software အပိုင်းမှာတော့ နောက်ဆုံးထွက်ရှိထားတဲ့ Android OS Version ဖြစ်တဲ့ Android Oreo 8.0 ကို အခြေခံထားတဲ့ EMUI 8.0 နဲ့ ဖြစ်ပါတယ်။

                Display အပိုင်းမှာတော့ IPS LCD 5.65-inch FullView 18:9 Display ကို အသုံးပြုထားပြီး Resolution ကတော့ Full HD+ 1080 x2160 Pixels ရရှိမှာဖြစ်ပြီး Pixel Density ကတော့ 427ppi ရှိမှာပါ။ 

                CPU အပိုင်းမှာ Huawei ရဲ့ ကိုယ်ပိုင် Chipset ဖြစ်တဲ့ Octa-Core HiSilicon Kirin 659 (4 x A53 at 2.36GHz + 4 x A53 at 1.7GHz) Processor ကို အသုံးပြုထားပြီး Graphics ပိုင်းအတွက် MaliT830-MP2 GPU ကို အသုံးပြုထားပါတယ်။

                Huawei Enjoy 7S ကို 3GB RAM + 32GB Storage နဲ့ 4GB RAM + 64GB Storage ဆိုပြီး မော်ဒယ်လ်နှစ်မျိုး ရောင်းချသွားမယ်လို့ သိရပါတယ်။ Storage မလောက်ဘူး ဆိုရင်လည်း microSD Card ကိုတော့ 256GB ထိ ထပ်စိုက်လို့ ရဦးမှာပါ။

                ဖုန်းရဲ့ ကျောဘက်မှာကတော့ 13MP + 2MP Dual-camera Setup နဲ့ Fingerprint Sensor တို့ကို တပ်ဆင်ထားပြီး ရှေ့ဘက်မှာတော့ Selfies ရိုက်ဖို့နဲ့ Video Call တွေခေါ်ဖို့အတွက် 8MP Camera ပါ၀င်ပါတယ်။ Li-Po 3000mAh Battery ကို အသုံးပြုထားတာ ဖြစ်ပြီး Huawei ရဲ့ Super Charge စနစ်ပါ၀င်ပါမယ်။

                Huawei Enjoy 7S ကို လာမယ့် ဒီဇင်ဘာ ၂၂ ရက်နေ့ကျရင် တရုတ်နိုင်ငံမှာ စတင်ရောင်းချသွားမှာဖြစ်ပြီး အရောင်တွေအနေနဲ့ Black, Blue, Gold နဲ့ Rose Gold ဆိုပြီး အရောင် ၄ မျိူး ရွေးချယ်၀ယ်ယူနိုင်မှာ ဖြစ်ပါတယ်။ စျေးနှုန်းတွေကတော့ 3GB RAM မော်ဒယ်က တရုတ်ယွမ် ၁၄၉၉ (မြန်မာငွေ ၃ သိန်း၀န်းကျင်) ကျသင့်မှာဖြစ်ပြီး 4GB RAM မော်ဒယ်ကတော့ ၁၆၉၉ ယွမ် (မြန်မာငွေ ၃ သိန်းခွဲ၀န်းကျင်) ကျသင့်မှာ ဖြစ်ပါတယ်။

This Article is contributed by Thaw Zin