Brand Consultancy ကုမ္ပဏီတစ်ခုဖြစ်တဲ့ Interbrand အနေနဲ့ နှစ်စဉ်နှစ်တိုင်း ကမ္ဘာပေါ်မှာရှိသမျှ ကုမ္ပဏီကြီးတွေကို အဆင့်တွေ သတ်မှတ်ပေးပါတယ်။ Interbrand အနေနဲ့ ဒီနှစ်အတွက် ကမ္ဘာ့တန်ဖိုးအရှိဆုံး Brand အဖြစ် Apple ကို သတ်မှတ်ခဲ့ပါတယ်။ 

                Apple အနေနဲ့ ဒီနှစ်ပါထည့်တွက်မယ်ဆိုရင် ၅ နှစ်ဆက်တိုက် ကမ္ဘာ့တန်ဖိုးအရှိဆုံး Brand အဖြစ် သတ်မှတ်ခြင်း ခံရတာပဲ ဖြစ်ပါတယ်။ Apple ရဲ့နောက်မှာတော့ Google ကနေရာယူထားပါတယ်။ နံပါတ် ၃ နေရာမှာ Microsoft ၊ ၆ နေရာမှာ Samsung ၊ ၈ နေရာမှာ Facebook ၊ ၁၀ နေရာမှာ IBM စသည်ဖြင့် နည်းပညာကုမ္ပဏီကြီးတွေ အသီးသီး နေရာယူထားကြပါတယ်။ List အပြည့်အစုံကိုတော့ Interbrand Website မှာ သွားရောက်ကြည့်ရှုနိုင်ပါတယ်။

                ဒီနှစ်မှာလည်း Apple က ကမ္ဘာ့တန်ဖိုးအရှိဆုံး Brand အဖြစ် နေရာယူထားပေမယ့် Brand တန်ဖိုးကတော့ ထူးထူးဆန်းဆန်း မနှစ်ကထက် ၃% လောက်ပဲ တိုးလာပါတယ်။ Brand တန်ဖိုး အတိုးလာဆုံးကတော့ Facebook ပဲဖြစ်ပြီး မနှစ်ကထက် ၄၈% တောင် တိုးလာပါတယ်။

                Interbrand အနေနဲ့ အခုလိုမျိုး Brand တန်ဖိုးတွေကို သတ်မှတ်တယ်ဆိုတာ ခန့်မှန်းခြေပဲ ဖြစ်ပါတယ်။ တကယ့် Data အမှန်ကတော့ ကုမ္ပဏီတွေက တာဝန်ရှိသူတွေကိုယ်တိုင်ပဲ သိပါလိမ့်မယ်။