ကျွန်တော်တို့ နေ့စဉ်အလုပ်ထဲမှာ Mail ပေါင်းမြောက်များစွာပို့နေကြရပါတယ်။ အချို့သော အချိန်တွေမှာ စာလုံးပေါင်းမှားတာကို သတိမထားမိပဲ ပို့မိတာ၊ ဒါမှမဟုတ် Enter ကို လက်က မှားပြီး နှိပ်လိုက်မိလို့ စာရေးတာ မပြီးသေးပဲနဲ့ Mail ပို့မိသွားတာတွေကို ကြုံဖူးကြမှာပါ။

                အဲ့လိုမျိုး အဆင်မပြေမှုတွေကို Gmail မှာ နဂိုကတည်းက ပါဝင်တဲ့ အလွန်လွယ်ကူတဲ့နည်းလေးတစ်ခုနဲ့ အချိန်မီရှောင်ရှားနိုင်မှာဖြစ်ပါတယ်။

• အရင်ဆုံး ကွန်ပျူတာရဲ့ Browser မှာ ကိုယ့်ရဲ့ Gmail ကို Sign In ဝင်လိုက်ပါ။
• ပြီးရင် Gmail ရဲ့ ညာဘက်ထောင့်က ခွေးသွားစိတ်ပုံကို နှိပ်ပြီး Setting ထဲသို့သွားပါ။
• Setting ထဲမှာ အလယ်နားလောက်မှာ "Enable Undo Send" ဆိုတာကို On လိုက်ပြီး၊ ၅၊ ၁၀၊ ၂၀၊ ၃၀ စက္ကန့်ရှိတဲ့ထဲကမှ ဘယ်နှစက္ကန့်အတွင်း Undo ပြန်လုပ်ချင်လဲဆိုတာကို ရွေးလိုက်ပါ။

• ပြီးရင် အောက်ဆုံးထိရောက်အောင် ဆင်းပြီး Save Changes ကို နှိပ်လိုက်ပါ။
• အခုကစပြီး Mail တွေ ပို့မယ်ဆိုရင်၊ ကိုယ်က Send နှိပ်လိုက်ပြီးတာနဲ့ Gmail အပေါ်ဘက်မှာ Undo ခလုတ်လေးကို မြင်တွေ့ရမှာဖြစ်ပါတယ်။ တစ်ခုခုမှားသွားလို့ မပို့ချင်တော့ဘူးဆိုရင် Undo နှိပ်လိုက်တာနဲ့ Mail ထွက်သွားမှာ မဟုတ်ပါဘူး။

                တစ်ခုသတိပြုရမှာက Undo ပြုလုပ်နိုင်မယ့်အချိန်ကို စက္ကန့် ၃၀ အထိပဲ အများဆုံး သတ်မှတ်ထားလို့ ရတာဖြစ်ပါတယ်။ ကိုယ်သတ်မှတ်ထားတဲ့စက္ကန့် ( ဥပမာ- စက္ကန့် ၂၀ ) ကျော်သွားတာနဲ့၊ Mail က Sent ဖြစ်သွားမှာ ဖြစ်တာကြောင့်၊ ဒီအချိန်တိုအတွင်းမှာ ကိုယ့် Mail ကို အမြန်ပြန်စစ်ကြည့်ဖို့တော့ လိုမှာပါ။

                အခု Features က Gmail ရဲ့ Desktop Version မှာပဲရရှိတဲ့အတွက် ကွန်ပျူတာနဲ့ပဲ ပြင်ဆင်လို့ရတာဖြစ်ပြီး၊ Mobile Version မှာတော့ Undo လုပ်လို့ရမှာမဟုတ်ပါဘူး။ 

This Article is Contributed by Zawyè